Page 11 - HOH

A2 LOCAL
Diaranson 6 aPriL 2022

Dia Mundial di Actividad Fisico

Dia Mundial di Actividad Fisico ta wordo celebra ariba 6 di april rond
mundo cu actividadnan cu ta busca promove movemento na tur edad
y diferente ambiente pa mehora salud. Organisacion Mundial di Salud
(OMS) ta defini actividad fisico manera cualkier movemento corpo-
ral cu tin como resultado e consumo di energia. Actividad fisico, tanto
leve como tambe intenso ta mehora e salud di un persona.

Na Aruba 80% di e poblacion ta sufri di sobrepeso y 50% di e 80% aki ta cay
den e categoria di obesidad. Entre muchanan di scol, 5de y 6de klas, un 45% di
esakinan ta sufri di sobrepeso y entre muchanan di edad mas chikito e prob-
lema di sobrepeso ta wordo mira cada bes mas frecuentemente.
Manera ya ta conoci sobrepeso y obesidad por tin consecuencianan hopi malo
pa salud di un persona. E por causa diabetes, colesterol halto, presion halto
locual por pone e persona na riesgo pa sufri di un atake cerebral (stroke), un
atake di curason of por hasta bira pashent di dialyse.

Actividad fisico ta wordo considera un pilar fundamental den e promocion di
bida saludabel awendia, ya cu ademas di ta accesibel y di costo abao, e tin un
impacto den prevencion di enfermedadnan, manera esunnan menciona caba,
disminucion di mortonan prematuro, y ta mehora salud cardiovascular, meta-
bolico, cognitivo y emocional. E ta mehora tambe concentracion di muchanan
na scol y den adultonan tambe.

Minister di Salud Publico, Dangui Oduber, a anuncia den pasado caba cu
Ministerio di Salud Publico, conhuntamente cu tur stakeholders na Aruba y
Panamerican Health Organization (PAHO) a lansa un Plan Nacional di Pre-
vencion cu tin como meta preveni sobrepeso y promove actividad fisico. El a
anuncia tambe cu nan ta trahando pa bin cu un clinica pa yuda e personanan
cu tin problema cu sobrepeso y muy specialmente personanan cu tin prob-
lema cu obesidad.

E centro aki lo hiba e nomber Aruba Healthy Lifestyle Center y algun di e
metanan di e centro aki ta pa yuda e personanan cu tin problema cu obesidad,
guianan pa hiba un bida mas saludabel, guianan pa come mas saludabel y gui-
anan pa participa activamente na actividadnan fisico.
Segun datonan oficial di OMS mas di un kwart di poblacion adulto mun-
dial (1400 miyon adulto) no ta alcansa un nivel suficiente di actividad fisico.
Na henter mundo, alrededor di un den cada tres muhe y un di cada cuater
homber no ta realisa suficiente actividad fisico pa mantene nan mes saludabel.

E organisacion ta destaca tambe cu e nivelnan mundial di actividad fisico no a
mehora desde aña 2001, y e insuficiente actividad fisico a aumenta cu un 5%,
di 31.6% pa 36.8%, na e paisnan di ingreso halto den e periodo entre 2001 y
2016. E aumento di inactividad fisico tin repercusion negativo den e sistem-
anan di salud, medio ambiente, desaroyo economico, bienestar di comunidad
y calidad di bida.

OMS ta señala tambe cu e disminucion di actividad fisico ta debi, un parti, na
e inactividad durante tempo liber y na e tiki actividad fisico cu ta wordo haci
na trabou of na cas. Y tambe debi na e uso di medionan di transport pasivo, cu
ta contribui na un actividad fisico insuficiente.

Charlene Leslie dietista profesional y directora di Alimenta Dietetics and
Health Promotion a yega di splica tambe den entrevista pa Bon Dia Aruba cu
aunke tin hopi mas hende ta consciente y ta mas activo, locual ta preocupante
ta cu tin dos extremo. Tin e persona cu ta haci hopi actividad fisico casi tur dia,
cu ta come hopi saludabel, pero den e otro extremo tin e persona no ta come
saludabel, ta y no ta move hopi.

“Pero eigenlijk memey, unda cu e alimentacion saludabel ta normal, cu tin
actividad fisico regularmente sin pone tanto presion, unda cu un alimentacion
y un estilo di bida saludabel ta normal, esey ta unda nos mester bay traha riba
dje”, Leslie a destaca.

Actividad fisico ta beneficioso pa un y tur, pais- y comunidadnan mester adop-
ta medidanan pa ofrece tur persona mas oportunidad di ta activo cu e meta
pa aumenta actividad fisico en general. Esaki ta rekeri un esfuerso colectivo,
tanto na nivel nacional como local, den diferente sector y disciplina pa aplica
solucionnan adecua den ambiente cultural y social di un pais cu e obhetivo di
promove actividad fisico.

En conexion cu e dia aki, awe Instituto Biba Saludabel y Activo (IBISA) lo
organisa un evento deportivo na Centro Deportivo di IBISA na San Nicolas
caminda lo tin diferente actividad, deporte pa tur edad entre 5or di atardi y 9or
di anochi. Algun deporte y actividad cu lo tin durante e evento aki ta entro otro
basketball, taekwondo, capoeira, zumba y mas.