Page 37 - CMB

E motibo di e reunion ta cu representantenan di ATIA no a ser informa cu e
aumentonan aki lo wordo aplica na banconan y companianan di seguro tambe.
Riba esaki ATIA ta splica cu esaki tabata algo nobo y ta duna e apoyo pasobra

ta compronde cu no tin otro solucion awor aki.

ATIA ta apoya e medidanan aki, cu e condicion cu e ta temporario pa un tempo
defini tanten lo keda traha riba un reforma fiscal. Pero na momento cu

compronde cu e lo wordo introduci tambe pa banconan y companianan di
seguro, cual ATIA no tabata na altura di esaki. P’esey a solicita e reunion aki pa

sinta hunto cu Minister y cu Aruba Bankers Association pa discuti riba esaki,
anto ta keda warda riba reforma fiscal y a papia riba esaki cu Minister President.

Tin e intencion pa bin cu e reforma na Januari 2019, pero e realidad ta cu e no
ta mustra cu por ta algo alcansabel sino te cu 2020. Den todo caso Minister di

Finanza a menciona esaki tambe caminda cu por keda cla hasta na Juli 2019.

Riba esaki ATIA a forma un comision cu ta trahando riba algun recomendacion
pa cu esaki cual a wordo entrega na Minister President como un draft pa por

cuminsa traha riba dje. Esaki ta bay den direccion pa manda impuestonan
directo pa indirecto y den e proceso ey elimina BBO y BAZV

Tin rapportnan cu a wordo entrega di SNBA y Kvk hopi aña atras caba, cu
modelonan di reforma fiscal, cual ta algo comun cu a wordo introduci na

Hulanda y Corsou tambe anto na Aruba e proceso ta tarda. ATIA ta bin cu un
vision pa acelera y traha den un manera corecto kitando cierto impuesto

caminda cu kier pone tambe un impuesto na frontera tambe.

Ta purbando di haci mas facil posibel pa gobierno por introduci tambe, aunke tin
un comision cu ta bezig trahando riba esaki, pa un introduccion lo mas lihe
posibel. Ta comprendibel cu tin reaccion cu niun hende ta contento cu e idea

aki, y tampoco e aumento di 6%. Pero alabes comercio tin un gran
preocupacion tambe siendo cu e companianan aki ta bay perde na competencia

financiero y cu nan lo bay importa mas cu tur e impuestonan aki.