Page 39 - CMB

sinta hunto cu Minister y cu Aruba Bankers Association pa discuti riba esaki,
anto ta keda warda riba reforma fiscal y a papia riba esaki cu Minister President.

Tin e intencion pa bin cu e reforma na Januari 2019, pero e realidad ta cu e no
ta mustra cu por ta algo alcansabel sino te cu 2020. Den todo caso Minister di

Finanza a menciona esaki tambe caminda cu por keda cla hasta na Juli 2019.

Riba esaki ATIA a forma un comision cu ta trahando riba algun recomendacion
pa cu esaki cual a wordo entrega na Minister President como un draft pa por

cuminsa traha riba dje. Esaki ta bay den direccion pa manda impuestonan
directo pa indirecto y den e proceso ey elimina BBO y BAZV

Tin rapportnan cu a wordo entrega di SNBA y Kvk hopi aña atras caba, cu
modelonan di reforma fiscal, cual ta algo comun cu a wordo introduci na

Hulanda y Corsou tambe anto na Aruba e proceso ta tarda. ATIA ta bin cu un
vision pa acelera y traha den un manera corecto kitando cierto impuesto

caminda cu kier pone tambe un impuesto na frontera tambe.

Ta purbando di haci mas facil posibel pa gobierno por introduci tambe, aunke tin
un comision cu ta bezig trahando riba esaki, pa un introduccion lo mas lihe
posibel. Ta comprendibel cu tin reaccion cu niun hende ta contento cu e idea

aki, y tampoco e aumento di 6%. Pero alabes comercio tin un gran
preocupacion tambe siendo cu e companianan aki ta bay perde na competencia

financiero y cu nan lo bay importa mas cu tur e impuestonan aki.

Pa ultimo ATIA tin di pensa pa mantene e comunicacion constante cu e
miembronan y ta bay pidi un otro audiencia na Minister pa bin discuti mas ariba

esaki. ATIA ta keda pendiente di esaki y ta den reunion frencuente cu KvK pa
mesun linea y orienta gobierno den e parti financiero, segun Sra. Michella de
Groot.