Page 18 - AWE1808

Diahuebs 18 di August 2022

SUCESO

Dama turista herida den accidente cu quadracer

iamars atardi despues di 6’or polis di Santa Cruz y
Ddi trafico a bay ariba e caminda di Matividiri, pa un
accidente di quadracer.
Na yegada polis a constata cu ta trata un biaha mas di
accidente di quadracer unda tin turista envolvi. Segun e
tour guide, e dama ariba e quadracer a bay bira ariba e
caminda, pa bin bek cerca e caravana.

Algo a bay robes y a causa cu e quadracer a “bula” bay
pega contra e transha y esaki a ocasiona cu e dama a cay
herida su mes.
Na yegada di ambulance Paramediconan a controla e
dama cu tabata ariba caminda drumi y a opta pa hibe pa
Hospitaal debi cu e tabata keha di basta dolor.

Polis di trafico y Forensys tabata presente pa a tuma dato
di e accidente.

Señora di edad herida den accidente ariba Caya G.F.Betico Croes

iaranson mainta rond di 10:30 polis y ambulance a
Dbay ariba Caya G.F.Betico Croes unda a sosode un
accidente cu hende herida. E accidente a sosode ariba
e crusada cu ta bay pa Caya Solo. Na yegada di polis
a topa cu un Nissan Pathfinder y un Nissan Versa. Na
stuur di e Versa tabata un señora chauffeur di edad y e
tabata tin mester di atencion medico.

Na e sitio nos a compronde cu e Versa maneha pa e
señora lo tabata tin e señal poni pa bay rechts, pero a
sigui strit. Chauffeur di e Pathfinder cu a mira e señal pa
bay rechts a confia y a subi caminda hayando su mes den
un accidente. Caminda a wordo cera un banda, autonan
ariba rotonde di Dadelstraat no por a bay direccion
pabou pero trafico direccion rotonde Dadelstraat si por
a continua normal. Ambulance cu a yega e sitio mesora
a duna e señora e atencion necesario.

18