Page 13 - AWE1808

Diahuebs 18 di August 2022

POLITICA
Parlamentario Marco Berlis (MEP):
Adictonan porfin ta haya atencion

y un solucion structural

abata un gran momento ora cu minister Rocco Tjon
“Ta anuncia cu conseho di minister a aproba 600 mil
florin pa trata cu e problema di adictonan ambulante.
Sigur e tema aki tin basta preocupacion bao pueblo y ta
wordo menciona hopi biaha den comentarionan riba
facebook. Esaki ta un bon noticia mirando cu minister
Tjon no solamente a logra haya aprobacion pa e placa aki
pero tambe tin un plan structural pa asina yuda rehabilita
e personanan aki cu tin mester urgentemente di esaki.”
Esaki tabata reacción di Parlamentario Marco Berlis riba e
anuncio haci e siman aki.

Pa por sigura cu e plan lo duna resultado y cu e problema
aki lo haya su debido atencion na un manera duradero,
minister Rocco Tjon a pone diferente ingrediente necesario
den lugar;
1. Cu e fondo adkiri lo emplea 5 profesional capacita 2. Centro Colorado lo wordo renoba. A aloca 100 mil
cu lo bay acerca e adictonan pa drenta e Centro Colorado y florin pa logra esaki. E suma aki lo renoba 4 camber cu lo
asina nan por cuminsa nan rehabilitacion; tin cama y espacio pa 16-24 adicto;

3. Lo continua cu un bon cuido, segurando cuminda,
salud, salud mental y rehabilitacion;

4. Meerjarenplan y un acuerdo cu fondonan necesario
lo sigui wordo presupuesta den e presupuestonan di
añanan binidero;

5. Ayera un proyecto infrastructural lo wordo
lansa pa Stichting Hunto, caminda SPD y FMAA lo bay
wordo ubica den un solo edificio. Esaki lo spaar placa y
lo segura un mihor servicio na adultonan pero tambe en
especialmente hobennan y muchanan;

6. Pronto otro proyectonan lo wordo anuncia
manera di FADA y SPD;

7. Riba tereno di opleiding tambe tin varios iniciativa
den ehecucion y lo wordo anuncia pronto.

Cerando e gap entre salud mental y adiccion
Ta wordo reconoci cu desaroyonan ta mustra cu adictonan
no tin problema solamente riba un tereno so, pero tambe
riba tereno di salud mental. E proyectonan ta conta cu
e profesionalnan di GGZ, pasobra e proyectonan aki a
nace for di nan stuurgroep. Asina por mira cu no ta djis
e suma di placa a pone disponibel pa e problematica di
e adictonan ambulante, pero tambe a hinca un bon plan
den otro door di nos profesionalnan riba e veld.

13