Page 4 - AM210619a

4 AWEMainta
Partidonan grandi y tradicional ta un grito di
incapacidad y di poco responsabilidad
LIDERNAN politico cu durante di varios debate ta
insisti pueblo pa no sostene partidonan ‘tradicional’ of
partidonan ‘grandi’ ta practicamente confirma cu nan
no ta sincero cu pueblo den nan afan pa gana voto den
e proceso electoral di otro siman.
Tin 12 partido tumando parti
den eleccion di otro siman 25 di juni
caminda solamente tres di e grupo
aki ta partidonan politico cu den ultimo
eleccion di 2017 a supera e total di mil
voto mientras cu e otronan tur a keda
bou di e cantidad aki.
Ocho partido a participa den eleccion di 2017 pero tin
cu menciona cu partido PPA y UPP a forma un lista
hunto caminda nan a logra hunto un total di 656 voto
total mientras cu partido CURPA logra 468 voto total,
partido MAS a saca 257 voto mientras cu e dos par-
tidonan tradicional y partido grandi, AVP cu a logra
23376 voto birando e partido realmente mas grandi, cu
MEP cu 22061 voto.
E argumento continuo di politiconan pa mustra pueblo
cu mester kibra e tradicion aki y vota pa un cambio, lo
ta bon pa e partidonana ki mes mustra mas seriedad,
principalmente den nan propio seno, nan propio organ-
isacion si realmente nan kier pa pueblo votado cambia
e tradicion.
Den eleccion 2017 partido POR tabata hunto cu AVP
y MEP e unico partidonan cu a presenta un lista di 29
candidato y partido POR a logra acumula 5531 voto,
pues apenas a logra supera e barera di 5 mil voto pero
e situacion actual di e partido, tin duda cu e lo iguala
of supera e total di voto aki.
Pues continuamente den debatenan cu a tuma luga
ultimo simannan por a scuche argumentonan politico
di otro partidonan chikiot, insisti pa pueblo kibra cu e
tradicion pero e alternativa politico cu nan ta ofrece, ta
Diasabra, 19 Juni 2021
un alternativa limita, un alternativo su mucho posibi-
lidad pa atende y drecha e situacion di e pais, caminda
nan ta trata di manipula cu e berdad di e alternativa-
nan aki.
Por a scucha lider di partido Accion 21, sr Mansur pa-
pia di un gobierno nacional, cu hopi partido formando
e base di un gobierno asina pero mas bien su deseo
no tin nada di haber cu e necesidad di e pais pa un
gobierno solido y amplio pero mas bien e observacion
tin di haber cu e hecho cu Accion21 kier ta un alter-
nativa pero a presenta un lista limita di candidatonan
cu solamente 14 y ta claro cu e ora partido Accion 21
tin cu papia di un gobierno nacional ya cu e partido aki
riba su mes, no por goberna ya cu si e tin mayoria den
parlamento, e lo tin cu usa mayoria ‘zakenministers’ a
por goberna y den e aspecto aki e lider di e partido no
ta honesto cu pueblo trata na tapa e incapacidad di su
partido tras di gritonan populista contra partidonan
grandi y tradicional.
AVP tambe a masa den su temponan malo, temponan
cu e partido no a logra di saca ningun asiento pa tin
representante den Staten di Antias pero e partido a
sigui lucha cu cantidad minimo te na yegada di Henny
Eman cu a guia e partido riba un rumbo nobo, un rum-
bo di prosperidad pa e pais y cu a converti AVP den e
partido mas grandi di pais Aruba, cu sostene di miles
y miles di votadonan.
MEP ta otro partido grandi, ya cu nan tin mas cu 20
mil voto den ultimo eleccion y ta algo cu tin cu wordo
respeta, no solamente tin cu respeta e partido como or-
ganisacion politico pero tambe respeta e sostenedonan
di e partidonan aki, ya cu ta nan derecho di scoge pa
sostene e dos partidonan grandi aki.
Lidernan politico cu ta insisti pa e votadonan aki kibra
cu nan tradicion sikiera presenta un alternativa ad-
ecuado, un alternativa husto y sincero pero no bin cu
gritonan di desesperacion pa asina trata di gana voto
den un forma asina barata.