Page 6 - AM210619a

6 AWEMainta Diasabra, 19 Juni 2021

MAS lo percura pa atencion

debido na e sector social

Den e ultimo 10 añanan a converti locual

anteriormente tabata un cas di cuido pa anciano
den un Centro di Enfermeria y cuido di anciano,

mihor conoci como “verpleeghuizen” (VPH). E

necesidad di atencion den sociedad a cambia.
E estilo di bida na Aruba, cu ta wordo mira mas

den adultonan hoben, ta pone cu nan ta envehece

den un manera menos saludabel. E necesidad di
atencion di “VPH” ta aumentando durante añanan

y consecuentemente ta causa cu solicitudnan
di admision y lista di espera ta bira mas largo,

causando tambe cu esnan cu ta duna cuido no

por duna e atencion adecua den e centro pa
motibo di desesperacion of sobrecarga.

Tin un peticion urgente di ayudo

den e sector di cuido y Partido MAS lo:

• Cambia e ley di cas di cuido di anciano

“verzorgingshuizen” pa centro di enfermeria y

cuido di anciano “verzorgings- en verpleeghuizen”

• Incorpora un maneho duradero independiente
di faboritismo politico;

• Lo amplia y duna mantencion na e recursonan

y infrastuctura necesario pa cuido;

• Lo amplia e posibilidadnan di rehabilitacion;

• Lo crea mas infrastructura pa hendenan incapacita por move mas facilmente den nos comunidad;

Pa locual ta nos hobennan, Partido MAS lo:

• Urgi pa tin mas cooperacion entre fundacionnan social educativo pa uni forza y traha hunto riba temanan di tereno
social;

• Duna hobennan un voz di berdad y scucha proposicionnan den problematicanan di hubentud, esaki por medio

di organisacionnan manera Parlamento Hubenil y/of Telefon pa Hubentud;

• Bin cu mas proyecto- y actividadnan social den bario;

• Amplia y capacita e trahadornan social na scolnan;

• Lo duna atencion urgente, inventarisa y reenforsa leynan existente pa locual ta abuso sexual di menor di edad.