Page 40 - Djasabra 18 november 2017.pdf

42 Djasabra 18 Novèmber 2017
Kontinuashon di pagina 6
Korte no a pordoná

Segun hues den e
veredikto, e ta konvensí ku
Pietersz tabata konsiente
kiko el a firma.
Pa loke ta trata e
akusado Eduard, hues a
bisa ku e tabata konosé
e denunsiante i mester
a mira ku e potrèt riba e
pasport no tabata kuadra.
Pero apesar di esaki, tòg el
a skibi e informashonnan di
e pasport ku no tabata di e
denunsiante.
Eduardo ta keda
akusá di a duna su yu
informashonnan falsu i
asina evitá ku nòmber di
su amiga Gina ta bin den e
prosèsverbal.
Hues den su veredikto
a apsolvé Eduardo di
trafikashon di hende, pero
ta bisa mirando ku e no a
mustra rèspèt pa su trabou,
e no ta haña ku e por keda
pertenesé den Kuerpo
Polisial.
Hues ta kondená
Eduardo na un kastigu di
9 luna kondishonal i 5 aña
for di funshon polisial.
Pa Pietersz i Eduard
hues a haña nan kulpabel
di e akusashonnan i ta
kondená ámbos na 12 luna
kondishonal i fo’i funshon
polisial pa 5 aña largu. Tur
tres a haña 2 aña di prueba.