Page 5 - UTILITIES
P. 5
ORANJESTAD (AAN): Den cuadro di trece informacion y transparencia, e grupo
encarga pa haci investigacion pa bin cu solucion pa mihor maneho di desperdicio na
Aruba, a duna un presentacion na Conseho di Minister.
E grupo di expertonan a presenta e proceso di Request For Information (RFI) cu a tuma
luga, hunto cu e recomendacionnan pa e siguiente trayecto, pa por yega na un plan
integral pa maneho di desperdicio na un forma responsabel na Aruba. Siguientemente
lo planifica un presentacion cu comision di Infrastructura y Medio Ambiente di
Parlamento tambe.
Pa locual ta e proceso cu ta aden actualmente, Minister Otmar Oduber ta splica cu ta
den e proceso di remediacion di dump Parkietenbos como tambe procesamento di sushi
aki na Aruba. E mandatario ya a ricibi rapport di e dos comisionnan cu ta integra den e
Task Force di Waste Management. TNO a encabesa e parti di remediacion na dump
Parkietenbos y personal di WEB tabata encarga cu e parti tecnico den e comision pa
locual ta trata e procesamento di sushi.
E direccion cu kier bay ta hopi cla na e momentonan aki (a pesar cu e mandatario
encarga a indica cu no a duna aprobacion riba e rapport ainda), sinembargo tur
indicacion ta cu ta papia di un incinerator pa crea sea gas of coriente, den un ambiente
transparente y habri.
