Page 14 - CITGO

Y awor ta diferente Refineria rond mundo cu ta cumpra crudo di Venezuela, ta disgusta
cu e calidad malisimo di e crudo cu nan ta ricibiendo. Algun hasta a nenga di acepta e
crudo, pasobra e lo bay ta dañando nan instalacion.

Refinerianan na tres continente a admiti na prensa cu e calidad di crudo Venezolano a
bin ta cayendo mas notablemente e aña aki. Algun cargamento den tankero a wordo
hasta manda bek pa Venezuela.

Na Merca mes, e compania Phillips 66 a rechaza cargamento di crudo “Merey 16” di
Venezuela debi na su contenido halto di salo. Semper awa di exceso y
contaminantenan manera salo, ta acelera e corosion di tubo y equipo, y esaki por
perhudica y crea fayo y tardanza na refinerianan, net awor cu tin demanda grandi pa
combustible.

Awor e refinerianan na Merca a manda inspectornan pa bay check cada cargamento di
crudo den tankeronan mara pafo di Wafnan Venezolano, pa mira si e crudo ta cumpli cu
specificacionnan.

Un refineria na Asia a hasta manda pidi Venezuela cu e kier su placa bek, pasobra tur e
crudo malisimo ta yenando e tankinan aya sin cu nan por procesa nan. Ademas, nan ta
exigi di PDVSA pa manda paga e costo di reparacion di corosion riba nan
equipo. Refinerianan tin di gasta mas placa pa trata e mezcla contamina di awa y
azeta, conoci como ‘slops’.

Informe nobo ta mustra cu un refineria na Japon, y uno na Europa a bisa cu nan a
cuminza baha nan compra di crudo Venezolano, no djis pa e calidad malisimo, pero
tambe di e preocupacion creciente di haci negoshi cu PDVSA, un compania cu ta
pertenece na Gobierno di Nicolas Maduro cu ta meti aworaki den un crisis humanitario y
cu sancionnan Mericano y di Europa riba nan cabez.

E refineria na Japon a laga sa, cu PDVSA pa colmo awor ta trata di haya atrae nan bek
door di ofrece descuentonan masha grandi mes.

Pa colmo, e aña aki e produccion di crudo na Venezuela a bira di menos di 2 miyon bari
pa dia (bpd). Esey ta e cantidad di mas abao den 3 decada. Menos crudo ta saliendo