Page 3 - AM240628 New

Diabierna, 28 Juni 2024 AWEMainta
Mentalidad di “Visvrouw’’ den Parlamento:
Un reflexion tristo riba nos sociedad
AWEMAINTA a bin ta sigui diferente reunionnan publico
di Parlamento di Aruba p’asina trata di trece un relato obhe-
tivo di su funcionamento. Sinembargo, mas y mas ta resalta
e sentimento di decepcion y indignacion den direccion di
e organo mas halto di nos dushi isla Aruba. Ta bisto cu no
obstante e seriedad di cualkier tema cu ta wordo trata, ta
poco e calidad di preparacion y comportacion di nos repre-
sentantenan di pueblo, kendenan mas cu tur cos, ta busca tur
forma di hunga politica enbes di hiba disertacion elocuente,
haci preguntanan al caso y tene bienestar di nos pais na
prome luga.
E comportacion di algun Parlamentario y hasta Ministernan
den Parlamento t’asina bergonsoso cu e termino “mentalidad
di piscado” t’esun cu mas ta surgi pa describi e comporta-
cion escandaloso y poco profesional di representantenan di
pueblo. E desaroyo aki ta lanta dudanan serio riba e estado
di nos institucionnan democratico y e ehempel duna pa nos
lidernan.
Den mas cu un debate parlamentario sa intercambia grito-,
atake- personal y comentarionan inapropia. E comportacion
aki, cu ta parce mas un mercado, marche of bendemento di
pisca na pier, cu esun di un parlamento venerabel, ta pone e
integridad y e respet cu nos mester spera di nos represent-
antenan den duda serio.
Ta un bista tristo riba sociedad si nos tolera e tipo di compor-
tacion aki. Nos minister- y parlamentarionan mester ta un
LOCAL 3
ehempel di respet y profesionalismo. Si esaki t’e nivel na
unda nan ta opera, kico esaki ta bisa di nos como sociedad?
Hopi ciudadano tambe a expresa nan indignacion riba rednan
social y por medio di nos editornan. “Nos a scoge nos parla-
mentarionan pa representa nos y haci nos pais avansa, no
pa actua como mucha chikito cu ta pleita pa un lollipop”, un
residente preocupa a expresa.
A bira tempo kisas pa pueblo cuminsa exigi mas respet y
profesionalismo den e organo mas halto cu mester goberna
nos pais. Mester bin un yamada urgente pa introduci reglanan
di conducta mas estricto y impone sancion riba esnan cu no
ta cumpli cu e reglanan aki. Si nos kier pa nos democracia
funciona, nos mester sigura cu nos lidernan ta comporta
nan mes den un manera digno di un puesto.
Kisas a yega ora tambe pa hiba un discusion mas amplio
riba e respet den politica y e rol di e medionan di comuni-
cacion pa reforsa of desaproba e tipo di comportacion aki.
Na Aruba medionan ta pone hopi enfasis na comportacion
sensacionalista, cu ta solamente agrava e problema.
Como sociedad, nos no solamente mester ta indigna, pero
tambe tuma medida pa cambia e tipo di comportacion aki,
nos mester responsabilisa nos lidernan y haci cla cu esaki
no ta aceptabel. Ta na nos tur pa garantisa cu Parlamento
ta keda un luga di gobernacion respetuoso y efectivo, den
interes di nos tur.