Page 35 - Min.on
P. 35
Evelyn Wever-Croes: Aruba ta bay traha hunto cu Corsou pa
bin cu un oficina di duo na Aruba of Corsou
Monday, 25 May 2015 15:58
Comparti
Den reunionnan entre e parlamentonan di Aruba, Corsou y Sint Maarten dialuna a trata entre otro e
tema di enseñanza, y e problemana cu studiantenan ta encontra cu cobransa di fiansa di estudio di
hulanda (IBG of DUO).
Di parti di Corsou sra Zita Jesus-Leito (PAR) a wordo tresi dilanti cu Curacao ta purbando pa haya un
oficina di DUO na Corsou, pa por atende cu e miles di studiante cu tin problema cu pago di nan fiansa di
estudio hulandes.
"Na Aruba tin hopi necesidad pa esaki tambe. Nos ta wordo aserca pa hopi young professionals cu tin e
problema aki. Nos colega di partido Gerick Croes ta bringando pa nos logra esaki, y pesey mi a trese e
punto aki padilanti den reunionnan na Hulanda.
Durante e reunion mi a propone pa Aruba sostene Corsou den esaki, pasobra na Aruba tambe tin masha
hopi ex studiante cu tin problema cu e fiansa di IBG of DUO. Centenares di ex studiante ta haya nan den
discusion cu e deurwaarder na Corsou y den Corte. Tur esaki por wordo atendi mihor si nos tin un
HELPDESK di DUO na Aruba mes. Te ainda Hulanda no kier a aproba esaki debi na e gastonan halto,
sinembargo si Aruba y Corsou uni forsa, nos por logra haya un oficina di DUO mas serca di cas. Mi a
compromete cu sra. Jesus-Leito pa nos traha hunto riba esaki. Aruba merese mihor, nos studiantenan
merese mihor, y nos lo purba di tur forma por trese e mehoransa aki" lider di MEP Evelyn Wever-Croes a
duna di conose.
Comentarionan (2)
Mustra/Kita comentarionan
Nelson Oduber
May 25, 2015
201.229.56.29
Votes: +0
...
DUO na Den Haag mes a cera porta. Awo kier bin cu un den nos parti den Caribe. Bon idea, maar niet haalbaar!
Atrobe politica barata.
Cialy
May 25, 2015
