Page 37 - Min.on

3943. Pa cualkier informacion por tuma contacto libremente cu drs. Jennifer Warner na telefon
5243105 of na buvosipa@gmail.com.

http://www.24ora.com/local-mainmenu-5/95509-invitacion-di-ipa-pa-presentacion-di-musical-iparte-
pa-scol-preparatorio-y-scol-basico

SIMAR ta aclaria caso di Juf. Suhail Croes

Monday, 25 May 2015 19:55
Comparti

Juf. Suky Croes a aserca directiva di SIMAR pa sosten y conseho pa cu su caso. Na e momento ey e no
tabata miembro di SIMAR. Asina mes, mirando e gravedad di e caso, directiva a habri porta pa su
persona y su coleganan, cu mayoria no tabata miembro na e momento ey.

Sra. Croes a ser ricibi pa presidente, Sra. Sheia Lazo-Tromp kende na su turno a informa directiva
inmediatamente di e situacion. Directiva a aproba pa atende Sra. Croes un bes. Inmediatamente a
percura pa consehero huridico y abogado di SIMAR tuma e pasonan necesario. Directiva a tuma contacto
cu director di DPS pa informacion, a sinta cu Minister Hooyboer-Winklaar pa trata e caso y a reuni cu
abogado David Kock pa papia tocante e siguiente pasonan.

Abogado di SIMAR a cuminsa cu e caso entamando un “kortgeding” y un “bodemprocedure”. E meta
principal di e “kortgeding” tabata pa anula e decision cu e director di DPS a tuma den nomber di Minister
Hooyboer, cual tabata e suspencion di Sra. Croes y pa lag’e bay traha bek. Consecuentemente Minister
Hooyboer, pa medio di su abogado, ta informa cu Minister ta hala atras su decision di suspencion y cu
Sra. Croes ta ser permiti pa bay traha bek. Esaki pues ta haci cu logicamente no mester a ser trata dilanti
un huez.

Siguientemente SIMAR pa medio di su abogado tabata pendiente di e “bodemprocedure” cu lo a trata
entre otro e procedura tuma pa DPS/Minister, e keho contra Sra. Croes, e investigacion riba su mes, Ta
procedura normal riba nivel hudicial. Pues no ta asina cu SIMAR y abogado Kock a “hala caso atras” ni a
laga di duna e atencion debido na e caso.
SIMAR ta enfatisa cu tampoco ta asina cu abogado Henrick Croes mester a cuminsa di nobo cu e caso. E
caso a sigui cana su rumbo y e abogado di SIMAR a pasa e “dossier” pa abogado Hendrik Croes, kende na
su turno lo a dicidi con e ta sigui atende cu esaki.

Sra. Croes a tuma e desicion, cu tur su derecho, cu e kier su caso sigui den man di abogado Hendrick
Croes. SIMAR sinenbargo no ta di acuerdo cu e motibonan di Sra. Croes pa tal desicion, cualnan SIMAR
lo no divulga tampoco, pero mas cu claro ta respeta su desicion. Tambe mester menciona cu SIMAR a
adverti Sra. Croes di e consecuencianan cu lo por tin pa su persona mirando e coneccion politico di
abogado Croes cu un partido den oposicion y posicion di e partido den parlamento contra di Minister di
Enseñansa pa loke ta e caso aki.