Page 32 - Awe Mainta 18 April 2015

Diasabra 18 di April 2015 O nlin e awemainta.com

Sandra van der Linde
ta presenta

Dreams Workshop

SANDRA van der Linde di Wall Paintings Aruba ta presenta 31

“Dreams Workshop”, cual lo encera expresion di arte cu pinturanan
di bida y speransa. E ultimo workshop, te na un proximo aviso, lo
tuma luga na luna di mey.
Sandra ta di opinion cu e arte di pintamento ta di suma importan-
cia den bida di cada ser humano; no tin distincion di generacion,
sino e ta pa tur edad.
“Estudionan cientificamente realisa ta bisa cu arte ta humanisa y
ta yuda nos comunica den un lenguahe diferente y personal cu ta
di suma importancia y di gran beneficio pa nos tur,” Sandra ta bisa.
Arte di pinta ta poderoso pa personanan cu tin problema cu
comunicacion y expresion. Entre otro timidez, autismo y cierto
incapacidad.

Terapia

Arte di pinta ta un actividad y un terapia individual, tanto
durante un tayer, como den les, segun e artista. E studiante ta
drenta den un mundo yen di imaginacion y fantasia pa desaroya
su talento, y ta stimula su habilidad creativo cu ta permiti’e
aleha su mes positivamente di e realidad. Esaki ta genera un
descanso mental cu ta disminui stress.Tambe segun estudionan
haci, arte di pinta ta genera sentimentonan di felicidad y
relahamento, cu sigur ta excelente pa cualkier persona,
particularmente pa personanan cu problema di agresividad y
nerviosismo.

Inscripcion

Esnan cu kier participa den pinta nan mesun inspiracion por tuma
contacto cu Sra. Sandra van der Linde directamente na telefon 662-
3222. Tambe lo tene un exposicion pa tur e hobennan cu a pinta
cuadra, cual lo tuma luga dia 23/24 di mey, 2015. Wall Paintings
Aruba hunto cu Muchila Creativo ta orguyoso di por trece algo
asina pa e dushi pueblo di Aruba.