Page 14 - bon-dia-aruba-20210531

A14 DEPORTE
Dialuna 31 Mei 2021

Naiva Kock y Anabell Hernandez campeon den Beach Tennis Escolar

Mucha muher den categoria B: 2007 pa 2009

IBiSA a organisa dia 28 di mei na BTA na Eagle resort e
prome serie di 4 torneo di Beach Tennis Escolar na unda
Scol Basico Washington, Colegio San Hose, Prinses
Amalia Basisschool, Mon Plaisir Basis, Colegio Sagrado
Curason, Cacique Macuarima, Colegio Laura Wernet
Paskel y Basissischool de Shakel ta participando.
E torneo aki ta consisti di 22 team di mucha muher den
categoria B cu ta pa e muchanan naci na aña 2007 pa 2009. E
torneo a wordo hunga ariba 11 cancha di Beach Tennis y den
sistema di poule. Studiantenan cu ta competi ta muchanan cu
nunca a practica e deporte aki. Meta di deporte escolar ta pa
stimula actividad fisico y promove deporte cu na e momento
aki ta Beach Tennis.

IBiSA y Beach Tennis Aruba ta felicita e ganadornan. Na
prome lugar a keda Naiva Kock y Anabelle Fernandes
representando Scol Basico Washington, na di dos a keda Eirian
Teepe y Zinnia Ras representando Colegio Sagrado Curason
y na di tres lugar a keda Aliyah Estrada y Kayleen de Cuba
representando Colegio Sagrado Curason. IBiSA ta gradici e
instructornan di Caribbean Beach Tennis School pa entrena y
organisa e torneo di Beach Tennis Escolar.

Pa mas imagen fotografico di e torneo por wak e ariba e pagina
di Facebook IBiSA Aruba.