Page 4 - OCA 11 March 2015

Apoya pa Lotto pa Deporte: Competencia di cabai pa Dia
Nacional 21 y 22 proximo

Tuesday, 10 March 2015 20:20
Comparti

Manera tur aña, OCA lo organisa atrobe un feria di cabai na occasion di e celebracion di nos Dia Nacional
y Lotto pa Deporte ta e identidad principal cu ta apoya e evento di dos dia aki.Diasabra awor tin
oportunidad pa inscribi pa e proximo competencia di cabai na homenahe di nos Dia Nacional. E
inscripcion ta habri pa 7:30 y e ta sera pa 9’or di anochi na Villa Floralina. Tur cabayista ta invita na trese
cabai pa asina train den e pista di competencia na Villa Floralina y hasi show cu nan cabai nan.
E competencia mes ta tuma lugar den e fin di e siman siguiente, esta Diasabra 21 y Diadomingo 22 di
Maart. Diasabra lo tin competencia di cabainan di tur modalidad cuminsando pa 5’or di atardi, mientras
cu Diadomingo tin competencia pa jinete y amazona di tur edad cu ta inicia pa 2’or di merdia. E
competencianan ta tuma lugar na Villa Floralina y e lo ser huzga pa e huez internacional Joaquin Ortega
di Republica Dominicano, kende tabata un di e hueznan cu a huzga den e ultimo Mundial di Jinete y
Amazona cu a tuma lugar na e ciudad di Pereira na Colombia.
Loke ta hasi e proximo competencia interesante ta e cantidad di ehemplarnan nobo cu lo subi pista pa
prome biaha. Villa Floralina a anuncia cu nan lo competi cu 17 ehemplar, di cual 4 lo marca nan prome
aparicion den competencia. Villa Floralina lo saca no menos cu 5 trotona, loke sigur ta un record pa
Aruba.

http://www.24ora.com/local-mainmenu-5/92741-apoya-pa-lotto-pa-deporte-competencia-di-cabai-pa-
dia-nacional-21-y-22-proximo