Page 5 - OCA 11 March 2015

Cabalgata di mas di 40 cabai a duna homenahe na Don Bello

Tuesday, 10 March 2015 20:19
Comparti

Diasabra cu a pasa un cantidad grandi di caballista a bin hunto pa duna homenahe na e señor caballista
Don Bello, kende a cumpli e dia ey 89 aña di edad. Don Bello tin un trofeo desde 1952 cu el a gana e
tempo ey den caredanan di cabai cu tabata tuma lugar den Wilhelmina Stadion y cu tabata hala hopi
publico.
Den e añanan despues cu e entrada di cabainan di paso, Don tambe a bai den paso fino y e tabatin
diferente ehemplarnan di competencia y di cria.
E cabalgata a cuminsa na Rancho Monte Azul na Paradera rumbo pa Santa Cruz. Mas di 40 cabai a
participa na e parada aki, cu a bai acompanya pa musica di DJ Alvin. E resto di e caballistanan a sigui e
cabalgata den nan vehiculo. Na 1 kilometer mas o menos di su cas na Angochi, e cabalgata a topa cu Don
Bello, pero ainda e no tabata sa cu e cabalgata tabata na su honor y cu e lo termina na su cas. Aki nan a
prepara un banda di vallenato pa ora cu Don y e cabalgata yega e celebracion cu tur su yiunan a prepara
di sorpresa, lo ta total. Mas despues a sigui un serenata di Mariachi, caminda e coro di e caballistanan a
domina den voz halto e canto di e rancheranan.
Hopi di e caballistana a probecha pa saca foto hunto cu Don Bello, mientras cu e yiunan y nietonan
tabata percura pa e bishitantenan tabatin boca yen pa come y bebe. Hasta tabatin un entrevista di
Cadochi Kock di ATV cu Don riba su experiencia den cabai. Nan dos ta bai hopi aña atras, ya cu nan a
traha hopi aña hunto den casino. E fecha aki sin duda tabata un gran recuerdo pa un gran caballista.

http://www.24ora.com/local-mainmenu-5/92740-cabalgata-di-mas-di-40-cabal-a-duna-homenahe-na-
don-bello