Page 100 - MIN JUS

Por a mira cu e departamentonan di Vreemdelingentoezicht a baha hopi pisa den e ultimo

lunanan, deteniendo masha hopi hende, pasobra hopi hende ta bin e pais aki cu no sa y no

kier bay bek. Nan ta wordo duna trabao. A splica na varios occasion cu esnan cu ta

coopera cu esaki, lo haya nan den un situacion cu nan ta wordo persigui tambe

penalmente pa husticia. Ta mira cu parlamentario Croes ta intermedia den esaki y ta bisa

cu tin cu para e controlnan. MEP ta un partido conoci, mescos cu awor aki, cu tur e

cosnan cu nan a bisa tempo cu nan tabata den oposicion, tur e cosnan ey a para. Awor tur
eseynan no ta conta mas, pasobra awor nan ta bay forma gobierno cu POR y e partido di

droga. Pero loke ta importante pa realisa ta, cu un estado di derecho no por funciona asina

ey. Bo no por bin grita den staten cu Dowers lo a desmantela warda nos costa, cu no ta

controla ilegalidad. Nunca a duna publicidad. Awor aki prensa di un manera of otro a

saca e informacionnan y e partido a desemascara partido MEP, cu ta pretende cu nan kier

bringa ilegalidad, te ora ataca cu esnan cu ta haci’e. Pueblo por ta trankil.

MEP en todo caso no tin e fortalesa suficiente pa hiba e pais aki den un decadencia. Sigur

e derechonan cu nos tin estableci, ta keda para padilanti di Husticia. Husticia lo keda

funciona independiente. Nos ta forma parti di Reino. Sigur den parlamento y hopi otro

stakeholder, lo bay ta watchdogs, lo bay analisa kico nan lo haci y lo pone un paro na

momento cu nan trapa cierto estado di derecho of nos sistema hudicial.