Page 99 - MIN JUS

como minister di husticia, Hulanda tabata sumamente contento. Nan tabata hopi preocupa

pa e desaroyo cu nan a conoce e ultimo 8 añanan bay di MEP. Y tabata hopi preocupa

tambe pa loke tabata e overleg cu tabata tin entre e ministernan di Husticia. Hopi cos a

bay fout e tempo aya, door di e postura di e minister di husticia y MEP. Awor aki, tin

hopi hende nervioso, pasobra cu nan ta tene cuenta cu por bolbe bek na un situacion cu

tin metemento den husticia. Tabata tin un trankilidad pa 8 aña. Pero e departamentonan ta

miho prepara. Tin hopi mas fiscal, hopi mas departamento cu ta traha y cu no ta kere cu
rechtstreeks politica por bay mete den dje. Si por tin algun hende cu tin interes particular.

Tin nan bon door ken nan ta tambe y na su debido tempo nan lo wordo desemascara

tambe cu nan lo purba di influencia e trabao di husticia.

Pero Dowers no ta kere cu nan lo logra. E trabao ta asina solido cu nan no por mete

directamente. Na no tin hendenan awor aki cu ta directamente liga na nan tampoco, cu lo

bay purba of yuda nan tapa e crimennan manera den pasado a yega di comete. Dowers tin
tur confiansa cu e cos aki lo keda cana. Si loke ta preocupante, ta e postura cu algun

miembro di Mep ta tumando. Por a mira sr. Glembert Croes, siendo cu e no ta minister y

ta miembro di parlamento di partido MEP, ta mandando menasa den direccion di pueblo

y directornan di NV y departamentonan, bisando cu nan lo persigui nan pasobra nan lo ta

cumpliendo cu nan trabao. Gobernacion ta un continuidad y tin diferente paso cu un

ciudadano por a cana y adkiri cierto derecho y e derecho ey, den un estado di derecho

mester wordo garantisa.

MEP kier cuminsa trapa esey y esey AVP lo ta para pa mantene e estado di derecho bibo.

Tambe por a mira cu sr. Glembert Croes a manda mensahe, ta bisa pa Dowers, pero e no

por compronde dicon e ta pensa cu e ta manda un mensahe pa Dowers pa para cierto

trabao den husticia.