Page 80 - MIN JUS

2. N’e dagfar di e sospechoso ta wordo duna asina leu posibel e nombernan, e ofishi y e luga di
biba of keda, of, den caso desconosi di un ke otro, e indicacion asina presis posibel di, e
testigonan y expertonan cu di parti di fiscal lo wordo di dagfar.

3. E sospechoso ademas ta wordo duna di conoce cu e tin derecho pa laga dagfar testigonan y
expertonan of pa trecenan na terechtzitting; e ta wordo mustra tambe riba e instruccionnan di
e articulonan 289, prome y di dos parafo, 293 y 308, prome parafo.

Obligacion di fiscal pa haci participacion

Art. 288.1. E fiscal ta participa tur cu ta relacion cu e acusacion di e echo, cu conforme articulo 206
a duna di conoce di ta perhudica, di e dia, e ora y e luga di e terechtzitting.

2. E participacion ta tuma luga asina posibel por lo menos tres dia prome cu e dia di e

terechtzitting. E ta contene un indicacion cortico di e acusacion di e echo, n’e participacion e
perhucio ta wordo mustra tambe riba e instruccion di e articulonan 374 te cu 380 cu ta
conserni’e.