Page 11 - MIN TTC 17 DEC 2015

Tin turista Venezolano cu no ta esun tradicional pero ta laga
placa atras tambe

Publication: Thursday, 17 December 2015. Categoria: General

Minister Otmar Oduber:

ORANJESTAD (AAN): Aruba tin den e
temporada di high season cu ta cuminsa den e fin di siman nos dilanti, un grado sumamente halto
di ocupacion na e hotelnan y un cantidad extremadamente halto di avion caba registra. Tambe a
tuma den consideracion e fenomeno relativamente nobo den turismo for di Venezuela, cu ta
completamente diferente na e turista Venezolano “tradicional”.

Hecho ta tambe cu e alocacion na aeropuerto ta completamente yen pa e tempo cu nan a pidi;
Aruba ta practicamente “sold out”, y prijsnan di acomodacion pues ta hopi halto. E situacion
politico/economico na Venezuela ta trece cun’e e tipo di turista nobo, pero tambe ta trece cun’e
otro situacionnan cu ta haci necesario pa tin controlnan mas severo na e fronteranan di Aruba.

Minister Otmar Oduber a splica cu e aerolinea por purba di bypass e situacion via di otro
destinacion, pa toch trece su clientenan Aruba, pero esaki mester ta via di vuelonan schedule y e
pregunta ta keda e ora si e aerolinea kier carga cu e gastonan extra cu un solucion asina ta trece
cun’e.
E turista “diferente” cu Aruba ta ricibi for di Venezuela actualmente, cu ta mas of menos 50% di
e total di turistanan cu ta bishita nos isla no ta contribui mes hopi cu e turista tradicional, pero si
ta laga placa den nos economia, Otmar Oduber a subraya. El a bisa cu kisas hendenan no ta gusta
e forma cu nan a cumpra mercancia pa rebende, pero hecho ta cu si no tabatin comercio cu ta
cumpra for di nan no lo tin e situacion aki tampoco.

Ademas di cumpra mercancia nan ta haci uzi di diferente tipo di acomodacion, incluyendo
posada, cual tambe ta laga place den nos economia.

Minister Otmar Oduber a splica cu e resultado di turismo di henter aña, tumando e resto di
Latino America combina cu Merca ta hopi bon. Aruba ta den e top den Caribe cu casi 9% di