Page 12 - MIN TTC 17 DEC 2015

crecemento pa fin di 2015 pa cu turismo di Merca, cual ta demostra cu cosnan ta bayendo hopi
bon pa loke ta trata turismo.

E proximo high season ta cuminsa den fin di siman y ta caba na fin di maart/cuminsamento di
april.

Oduber a agrega cu entretanto tambe ta reuniendo cu AHATA a base di encuentronan cu a tuma
luga siman pasa pa papia tocante e cuater hotelnan cu e depende di e mercado Venezolano y
discuti con pa duna nan un “push” na januari/februari 2016.

El a subraya cu 2016 ta mustra un aña sumamente prospero y sumamente exitoso pa turismo, cu
mas crecemento.

E eliminacion di e visa pa Colombia ta permiti e crecemento di e mercado aki cu tin potencialnan
grandi y a dicidi pa prome biaha den hopi aña pa habri un mercado nobo pa Aruba, esta Mexico,
di cual ta spera di mira un contribucion grandi.

E mandatario a conclui bisando cu e segmento di barconan crucero tambe ta mustrando hopi bon
y cu Aruba lo conoce, despues di a experencia un caida chikito, un aña hopi grandi, cu un
crecemento di casi 10% den e cantidad di bishitante.

http://www.diario.aw/2015/12/tin-turista-venezolano-cu-no-ta-esun-tradicional-pero-ta-laga-placa-
atras-tambe/