Page 45 - ATA

musical. E mentenan creativo tras di Love Festival ta trece awo pa bo e ‘Music

Boulevard.’

E concepto aki ta bay crea riba tereno di Harbor Arena e dianan 3, 4 y 5 di november

proximo, un strip di stagenan, cada un ofreciendo otro ambiente. Fuera di e escenarionan

riba cual artistanan local y di afo ta bay presenta, e ‘Music Boulevard’ lo ta completo cu

areanan VIP, Ultra VIP (hunto cu e artista riba stage), suficiente bar, entertainment zone

y ademas e area di ‘We Love Food Trucks Festival’. Tur esaki a ser planea di tal forma

cu e bishitante, tanto local como turista, ta haya un experiencia grandi y unico. E no ta

djis un concierto, e ta un festival completo. E ‘Music Boulevard’ ta stretch di un punta pa

e otro cuminsando mas pabou cu e ‘Techno Stage’, sigui pa e

‘Underground Stage’. Cada stage lo tin, cada anochi, un repertorio di DJ tocando nan
respectivo genero. Mey mey ta haya e ‘Caribbean Stage’ riba cual lo exhibi e ritmonan

varia di rap, rock, reggae y te hasta asambeho. Den e area aki tambe lo mustra nos

gruponan di Carnaval. Mas pariba di e ‘Music Boulevard’ bo ta haya ‘Heart Stage’

caminda por disfruta di house music, entre otro estilonan electronico. Por ultimo, tambe

lo tin ‘House of Dolls Stage’, un area nobo cu lo brinda ademas di musica,

espectaculonan visual creando asina un ambiente totalmente diferente.

E productornan responsabel pa e escenario y area aki ta priminti di bin cu shownan

nunca bisto. Pa e itinerario completo di tur e DJnan cu ta biniendo di tur parti di mundo y

nos mesun artistanan local, ademas di informacion riba prijs y benta di entrada, seguridad

y hopi mas, bishita www.lovefestivalaruba.com. Tambe ta invitabo pa keda na altura di

tur desaroyo nobo atrabes di e cuentanan di media social, esta Facebook, Twitter y

Instagram.

COMMENTS