Page 6 - HOH

Pa Mehora Servicio Di Dokter Di Cas; Awor Cada Uno

Lo Tin Asistente Pa Haci Triage Pa Sa Gravedad Di

Un Paciente

 Featured

 Local
- 22/06/2017

Recientemente un grupo di 50 asistente di dokter di cas a pasa e curso di NHG Triage
Wijzer, cu tin como meta pa yuda un dokter di cas, sigur pa determina si caso di e
paciente tin urgencia, y/of ki urgente e paciente mester wak e dokter di cas.

Durante un conferencia di prensa yama pa AZV, su Relacionista Publico, Solange
Tchong a duna di conoce riba ultimo desaroyonan cu tin cu dokternan di cas.

E sistema di triage aki ta conoci p’e ultimo 2 pa 3 aña, cu mayoria di dokternan di cas
tambe ta aplica e sistema di triage. Triage t’e evaluacion di pacientenan di diferente
categoria na unda nan ta wordo clasifica, segun gravedad di nan sintomanan, lesionnan y
of malesa.

Triage ta un sistema pa por determina e urgencia di e paciente, cu ta yama oficina di
dokter di cas pa haya un cita, segun Solange Tchong a splica.

Meta di e triage ta pa establece prioridad y pa dicidi cua paciente mester haya tratamento
medico, prome of mesora y cua pacientenan por warda un tempo cortico mas largo.

E asistente di dokter, t’esun cu por haci e triage. E ta traha bao di responsabilidad di e
dokter di cas. Semper e lo ta den consulta cu e dokter di cas.