Page 29 - MIN VOS 2 MARCH 2016

No ta bisa cu gobierno mester manda den e Raad van Toezicht, pero si tin cinco miembro, ta na su
luga, mirando cu gobierno ta duna mas di 22 miyon na subsidio, duna gobierno un of dos
representante den Raad van Toezicht pa asina tin miho bista kico ta pasa exactamente den SABA.

Ta wordo bisa yen di cos, ta wordo papia y tin citica riba e wachtijde cu tin. Schwengle tambe tin e
critica eynan y ta un berguensa cu tin wachttijd. E ta exist pa tanto tempo caba. No bin haci cuenta
cu ta awo aki cu Schwengle tey cu tin wachttijd. Semper a acepte pero no ta compronde dicon.

Tambe ta wordo bisa cu tin yen di vacatura cu tin cu wordo yena, cual tin yen di interogante.

A wordo propaga tin baha 400, 300 wachttijden. E ta alrededor di 190 y pa colmo no ta al dia. Esey
ta nifica cu ora bay haci un analisis, tin hende cu hasta a fayece cu ta riba wachttijden y tin hende cu
a nenga y pa un solo motibo. Ta un berguensa cu e maneho di SABA ta hunga politica. Nan ta buta
e lista asina largo, pa nan haya mas placa di gobierno. Schwengle a mustra cu no mester pone
presion riba dje. Mustr’e e cifranan adecuado y e lo bringa pa haya mas placa. Ta sigur ora cu bin
cu un business case na Staten cu cifranan concreto, no lo tin un politica cu lo nenga pa duna mas
placa pa cuido di nos grandinan, e minister a enfatisa.

Di parti di gobierno tin dos aña ta pidi SABA su directiva pa duna gobierno e lista di hendenan cu ta
wardando pa drenta y kico ta e costonan cu SABA tin pa cual te cu e fecha di awe nada a drenta
cerca gobierno segun minister Schwengle.

Tin dos aña ta roga saba pa duna kico ta e werkelijke vraag en aanbod. Kico ta e motibo pa kico e
hendenan kier drenta SABA. Si ta un motibo social, economico of cuido di berdad. Dicon. Pasobra
un persona cu ta un verpleegpatient of verpleegklient, lo bay costa miles y miles pa luna, pa dun’e
un bon cuido. Pero si un persona ta eynan cu e mes por cuida su mes, pero pa motibonan social, e
no por ta na cas mas, esey ta suppose di costa hopi menos placa. Awor aki gobierno ta paga un
bedrag per klient y ta riba 6000 florin pa luna. No ta nada, pero tanten cu e placa ta hustifica mester
page tambe.

Ainda minister ta warda riba e datonan ey. Na e momento cu sa kico e demanda ta, dus cuanto
cliente tin di berdad, ki sorto di cliente bo tin, e ora bo tin cu hustifica cuanto placa bo ta duna cada
cliente. E ora bo por traha un presupuesto realistico. Te ainda ningun begroting cu por a mira di
SABA ta realistico. Pa colmo den nan cuentanan anual, no ta buta cuanto placa nan ta haya na
donacion. Wit Gele Kruis, cu tin e mesun statutonan, si ta duna cuenta. Cada florin cu haya of wordo
uza, nan ta pone den nan rapport y pa colmo WGK, nan mes ta laga controla nan jaarverslagnan tur
aña door di un accountant independiente. SABA no ta hacie y SABA ta bisa cu nan Raad van
Toezicht mes ta keur’e goed. Awendia esey no por mas.