Page 31 - MIN VOS 2 MARCH 2016

Trahadonan di SABA ta walk out diamars mainta

on: March 01, 2016In: LocalNo Comments
Print Email

E trahadonan ta malcontento cu e decision cu fundacion SABA encarga cu cuido di grandinan,
mester a tuma pa cera un seccion di Sint Michael Paviljoen, pa cual nan a dicidi di tuma e decision
di walk out awe, diamars, mainta.For di siman pasa caba a wordo informa cu un secccion di Sint
Michael Paviljoen, Reseda, ta den mal estado y autoridadnan concerni a “keur af” esaki pa uzo.
Directiva siman pasa tabatin reunion urgente riba e situacion aki, pa mira kico nan por bay haci. Y
finalmente e decision a wordo tuma cu mester cera e seccion aki pa proteccion di e clientenan y
trahadonan. Ayera den oranan laat di atardi tabatin un reunion entre directiva di SABA y familiar di
esnan cu ta kedando den e seccion di Reseda. Nan a wordo informa di e decision tuma pa cera e
seccion aki entrante prome di april awor pa motibonan di siguridad. Den un carta entrega, e directiva
ta splica cu door di falta di recursonan financiero, no por a haci e renobacion necesario na e seccion
di Reseda, cual mester a tuma luga hopi aña pasa. Y nan mester tene cuenta cu siguridad di e
empleadonan y e clientenan. Otro problema ta e escasez di personal cu tin na diferente seccion.
Awo cu ta cera e seccion di Reseda, ta uza e personal di esaki na otro areanan unda cu tin vacatura
habri. Di e forma aki nan a splica, tur departamento lo ta bay ta funcionando awor cu e capacidad cu
ta wordo exigi. Directiva di SABA a bisa e familiarnan cu nan no ta haya responsabel pa mantene e
situacion presente sin mantene e calidad di servicio na e nivel presente, pa cu calidad di bida di e
grandinan.Esaki a conduci cu tur empleado lo bay den accion awe mainta pa mustra nan
malcontento cu e situacion aki. SABA a informa cu lo trata di ubica e grandinan unda cu tin espacio
na nan tres Casnan di Anciano y ta wak cu e familiarnan tambe con nan por yuda.