Page 93 - MIN VOS 2 MARCH 2016

AWEMainta Diaranson, 02 Maart 2016 27

Den Premio Excelencia den Deporte 2015

E cuerpo di
hurado cu tin e
tarea dificil pa
scoge e atleta
cu a resalta na
aña 2015

TUR AÑA un comision consistiendo di representantenan di

diferente instancia di deporte manera Ministerio di Deporte, IBiSA,
Lotto, COA, ASU como tambe nos reporteronan deportivo di corant,
radio, website y television ta bini hunto pa scoge nos miho atletanan
cu a destaca den e aña deportivo cu a transcuri, e aña aki 2015.

Un trabou cu sigur no ta uno facil mirando e tantisimo nominacionnan
cu mester wordo analisa conhuntamente cu e demas logronan di e
atletanan cu a destaca den aña menciona. Un bes pa siman y pa mas
cu dos luna largo e Comision encarga a bini hunto pa asina evalua
tur informacion y comentario ricibi di e Federacionnan Deportivo
pa a lo largo deposita nan voto di preferencia segun e criterianan.
Pa loke ta e votacion pa e atletanan di aña 2015, e huradonan un
bes mas tabatin e tarea dificil ya cu cada un a haya e oportunidad
di defende su escogencia y hiba esaki den forma di discusion y
evaluacion propio. Mester corda si cu e huradonan a traha a base di
e informacion ricibi di e diferente federacionnan cu ta manda nan
atletanan nomina. Na final a vota den forma democratico pa asina
saca e ganadonan.

Den Premio Excelencia de Deporte 2015 por a vota den nuebe
categoria mientras e Comision lo rindi tambe homenahe na algun
figura deportivo, manera p. e. directiva, entrenador, coach, referee of
umpire cu a sobresali den deporte of ta duna su tempo y dedicacion
na deporte.
E miembronan di comision encarga pa scoge e miho atletanan a
consisti di Jos Maduro di Sportsubsidie Commissie, Wilfario Willems
alabes presidente comision di IBiSA San Nicolas, Gerald Franca di
ASU, Claret Lopez di Time Out, Cadochi Kock di ATV, Jenny Loefstok
di Radio Galactica, Elias Kock di Lotto, Nathalie Winterdal di Bon Dia
Aruba, Ricardo Jimenez di Diario, Gilbert Croes di Sportkids Aruba,
Hubert de Cuba di Sportpics Aruba, Milder Wever di IBiSA, Manuel
da Silva di Tele Aruba y Seever Krozendijk.

E Comision ta spera cu riba e dia di e evento di gala tur escogencia
lo wordo respeta, acepta y aplaudi den gran forma.
Diaranson dia 23 di maart proximo, e galardon Premio Excelencia den
Deporte lo tuma luga den e mahestuoso ballroom di Aruba Marriot
Resort and Stellaris Casino y lo cuminsa pa 7’or di anochi.