Page 10 - HOH dec 28,2015

Polis a skirbi den rapport, cu ora cu e pacient a bay pafor den rolstul, ey mes riba parkinglot di
ImSan el a bira hopi malo, y a bay for di tino y colapse.

E doctor a practica CPR riba dje pero sin resultado. A resulta cu el a haya ataca di curazon.

Ey mes, pafor di Centro Medico… e pacient Alfonso Pirella a fayece. Sin cu Docter a atende. Sin
cu Docter a sikiera duna Ambulans un chens pa hibe Hospital.

Su esposa a bira inconsolable, y no por a kere cu nan a bin eynan 2 biaha buscando yudanza,
pero no a logra haya esaki.

Famianan a cuminza yega, y nan no por a kere cu cuido medico na Aruba ta bayendo den
situacion asina. Pa capricho di un Docter, cu no kier a laga e pacient bay pa Hospital unda tin un
Hart-Kamer specializa.

Unico lugar cu el a yega… ta e parkinglot di ImSan.

Polis a tuma nota di tur esaki, y nan a dicidi pa pone Sub-Fiscal na turno, como tambe
Departamento di Recherche San Nicolas na altura. Nan lo por check si acaso algo criminal a ser
haci aki of no. Ta obvio cu esaki no ta trabou di Polis, sino di e inspectornan di Inspectie cu
momentaneamente ta resorta bou di Departamento di Salubridad Publico.

Ta bon pa verifica kico a sosode aki pasobra no mas cu algun siman pasa tambe un famia a keha
ImSan publicamente pa nan servicio di ambulance, cu a bay tira un pashent den su porch di cas
lag’e atras desampara. Ta conoci cu Ambulance ta pa emergencia y no pa transporta hende malo,
pero asina cu a acepta pa haci e trabou, mester a haci’e completo y no trata pashentnan asina.
Den e caso aki, di acuerdo cu e rapport di Polis, ta mustra atrobe cu e decision cu e dokter di
ImSan a tuma no ta cuadra.

Ta claro cu e no por a mira kico e pashent tin na e momento ey, pero kisas pesey e no mester a
scoge pa e caminda di mas facil tampoco pa manda pashent cas. Esaki sin duda no ta yuda pa
hisa e confiansa cu comunidad mester tin den e centronan di emergencia di nos isla.

Mientras tanto via social media, na Aruba un monton di hende a expresa abiertamente nan
disgusto cu loke a pasa na ImSan na San Nicolas. Inespera e instituto ta haya un nubia scur riba
dje. Pasobra si acaso a duna e homber e trato rekeri, y a pone un “Heart Monitor” na dje, y hibe
pa Hospital… kizas ainda Alfonso ta na bida awor.

A compronde cu famianan lo bay hiba e caso aki pa medio di un denuncia oficial. Pasobra e
impresion cu tur hende a haya ta, cu e Docter ey kizas no tin smaak mes pa traha riba Pasco y
prefera manda hende cas… incluyendo uno cu a resulta di ta hopi malo mes.

Na famia di e fayecido, DIARIO ta expresa su mas profundo palabra di condolencia.

http://www.diario.aw/2015/12/docter-a-nenga-di-atende-pacient-y-e-pober-persona-a-fayece-ora-di-
sali-di-centro-medico/