Page 9 - HOH dec 28,2015

Docter a nenga di atende pacient y e pober persona a fayece ora di sali di
Centro Medico
Publication: Monday, 28 December 2015. Categoria: General
Reaccion furioso rond Aruba…

ORANJESTAD (AAN) Un caso tristo a tuma lugar riba Dia di Pasco, casi 7’or di anochi na
tereno di ImSan.
Ta asina cu Central di Polis a dirigi patruya San Nicolas na ImSan pa un problema cu a surgi cu
personal di Centro Medico.
Na yegada polis a papia cu Docter Tewarie, y segun e rapport, el a declara cu pa alrededor di
5:45 pm e pacient di inicial P. a bin Centro Medico pa yudanza medico via ambulans.
El a splica cu e pacient P. tabata na Centro Medico caba pa mesun tratamento pa 2:45 pm.
E biaha aki Dr. Tewarie a papia cu casa di P. y el a declara cu e señora no kier pa su esposo ta na
cas, debi e mester worde ciuda y e kier pa e homber worde interna, debi cu e no por cuide.
Dr. Terwarie a declara na Polis (poni den rapport), cu el a declara na e señora cu no tin
indicacion pa mande hospital pa interne, y pesey el a manda e pacient pa cas.
Famia ta indica, cu nan a djis suplica y keda suplica na e Docter pa por fabor manda e pacient cu
urgencia pa Hospital, cu Ambulans. Pero Docter a keda rechaza e peticion ey.
Polis a mustra den rapport, cu e ruman muher di P. a rabia pa esaki, y a menaza Dr. Terwarie.
(Esaki ta algo cu famia despues ta desmenti, indicando cu e ruman muher a djis bay exigi pa
haya sa nomber di e Docter).