Page 12 - AVP
P. 12
henter Cuerpo Policial, cu e investigacion cu Minister a inicia contra Errol Zebeda, tabata
sin base y no a conclui ningun acto contra ley ni castigabel. Desde otro siman ta hink’e
bek den funcion di hefe na Cuerpo Policial Aruba. Asina ta pone un fin na inhusticia t
difamacion di empleadonan publico dor di mandatarionan pasahero.
Tabata na augustus 2018 cu e mesun Altocomisario Hoo a manda Errol Zebeda cas,
prohibiendo e di drenta tur Warda di Polis pa 6 siman largo. A investigacion a dura mas
cu un aña, pero e resultado a sali bon pa Zebeda pero malo pa esun cu a inici’e, cu awe ta
traha como Consehero di Minister Presidente. A purba practica “karakter moord” riba
Zebeda, kende a wanta duro y a defende su integridad y bon nomber te final!
Un aña despues di a mand’e cas sin motibo, Errol Zebeda a duna un entrevista na nos,
den un intento pa defende su integridad y di su famia. Den e entrevista a sorprende nos,
cu Minister Andin Bikker no ta confia Polis y a paga un compania di Corsou, Forensic
Caribbean, pa investiga Zebeda. Ni cu e compania aki, cobrando di miles di florin pa un
investigacion cu no tin ningun peso den Corte, asina mes nan no por a saca nada y no a
logra “colga” Zebeda, manera lo tabata e intencion di e mandatario. Zebeda mes a bisa e
tempo ey cu henter e investigacion ta pa nan haya su puesto!
