Page 14 - AVP

Comunicacion interno di Cuerpo Policial Aruba, den cual ta confirma cu no tin ningun

investigacion mas contra Errol Zebeda y cu e ta liber di tur acusacion y cu e ta bek den

funcion desde otro siman, dia 1 di februari 2020.

Ta bon pa menciona cu e aclariacion di Altocomisario Hoo ta un bon noticia pa Zebeda,

ta limpia su nomber, pero ta un “brevet vak onvermogen” pa e mandatario cu a sali

publicamente den un conferencia di prensa cu suposicionnan fuerte, mencionando cu

Zebeda ta suspendi pa pedidonan cu e lo a haci of keda sin haci pa Warda nos Costa.

Kisas ta bon pa awo, cu no a logra kita e funcion di Errol Zebeda, si Minister Andin

Bikker por contrata e mesun Forensic Caribbean di Corsou, pa yud’e investiga ken a keda

cu mey miyon florin na municionnan cu nunca a yega Cuerpo Policial Aruba. Bisa e

compania di Corsou cu no mester bay cas di ningun ambtenaar sino den Bestuurskantoor
mes e ta cana rond manera “nad’un pasa” cu e pedido y pagonan haci na Mastercargo.

Por spera mas di e tipo di coreccionnan asina riba Minister Bikker, un abogado masha

conoci, pero cu den funcion di Minister di Husticia ta resultando menos di locual mayoria

lo a spera di dje. Ainda falta e caso di Icho Matos, cu tambe el a suspende y cu ta bek na
Polis den su funcion. Dicon ora di perde cara no ta manda un comunicado of core pone

riba Facebook cu no a haya nada contra Matos y cu a pone bek na trabou? A haci mesun
cos cu tres recherche renombra, entre otro George Dammers, manchando nan nomber y

despues tuma nan ketoketo bek den funcion. Ora cu nota cu no tin nada contra nan, e ora

si no ta manda ningun comunicado pa drecha nan nomber bek. Asina a suspende e dos

polisnan di Patruya 37 y tambe te awe nada…hole na un otro persecucion politico y cu

pronto lo resulta den otro perdemento si cara pa e mandatario!

https://24ora.com/andin-bikker-ta-bolbe-perde-cara-zebeda-bek-den-funcion/