Page 45 - AVP
P. 45
Pueblo a duna un mandato na coalicion
Evelyn Wever-Croes
January 23, 2020
0
SHARE
Facebook
Twitter
- Advertisement -
Na un forma cla dia 22 di November 2017, pueblo di Aruba a duna mandato na un
coalicion dirigi dor di Evelyn Wever-Croes of e persona cu su partido lo a scoge pa dirigi
e gobierno nobo.
Tur partido cu a participa na e eleccion, tabata di acuerdo cu esaki tabata decision di
pueblo cu a basa su mes riba e problemanan mas importante cu mester a atende cu
tabata e situacion financiero di e pais y introduccion di un economia nobo den e periodo
di cuatro aña.
Na entrada di e ultimo aña completo prome cu terminacion di e mandato dor di eleccion
nobo, e base mester wordo poni cu introduccion di e presupuesto pa 2020 y un
maneho dirigi.
Por a comprende cu ayera e Miembro di Parlamento, Marisol Lopez, a entrega retiro den
Parlamento pa e bira Ministro. Esaki mester nifica cu Aruba ta duna inicio na un aña den
cual ta pone e rumbo nobo cu Prome Ministro Evelyn Wever-Croes a prepara pa Aruba
a base di un economia, un situacion financiero y un base social nobo.
