Page 48 - AVP

Segun e ley di eleccion, personanan cu como partido politico ta participa na eleccion, ta
bay di acuerdo di antemano pa ta parti di e partido. Pueblo ta vota pa nan como
miembro di e partido y no como persona individual.

Un persona ta uni su mes na un partido a base boluntario. E no ta participa
directamente na eleccion, presentando su mes como individual pero como parti di un
partido.

Nos ta ripiti cu na 2017 Aruba a vota pa partidonan cu a haya asiento y nan
candidatonan cu a acepta di ta parti di e partido di antemano, a wordo eligi.

Esey tabata decision di pueblo, sin kita ni pone.

Den e cuadro aki Parlamento mester bay yega na e conclusion si ta kibra e base legal di
eleccion ora acepta pa un persona cu a presenta su mes dilanti pueblo como miembro
di un partido, cu un programa y un filosofia na un forma incondicional, dicidi cu e ta

kibra cu e partido y bira independiente.

Si e tin problema despues cu e partido, e mester retira y indica na pueblo cu e no ta di
acuerdo. Si e partido a comete un crimen, e mester entrega un keho.

Democracia no ta permiti wega cu pueblo. E persona cu kier representa pueblo mester
sigui decision di pueblo cu a dicidi riba cual partido e ta drenta.

E actual situacion den Parlamento di Aruba ta contra deseo di pueblo loke den esencia
ta contra constitucion.

Si un persona individual kier bay eleccion, e mester funda un partido y pa medio di e

partido e ta participa na eleccion y e ta tene su mes na resultado di eleccion.

Na cabes di un lista tin un persona cu ta representa henter e partido. Nan ta yama e
persona aki lider di e partido of persona cu ta na cabes di e lista.

E votonan riba nomber di e persona aki, na un forma special, ta voto pa e partido ya cu
e persona cu ta vota segun ley pa e partido no tin e deber di anota ta cual ta e persona
cu e ta prefera riba lista.