Page 13 - WEB
P. 13
Mientras anochi tabata cera mundo tabata pendiente di loke tabata pasa. Kico tabata
spera Juan Guaidó, cu a lanta contra Nicolas Maduro cu a causa morto di
Venezolanonan y destruccion total di su pais?
Pa keda cu su poder y honra su amistad bochornoso cu regimennan comunista cu ta
mira solamente e placa di pobernan cu nan ta haci nan propiedad cu tirania, Nicolas
Maduro tabata trata na evita su caida.
Trahadonan di Asamblea General, cu pueblo a pone na poder, a wordo manda cas dor
di compinchinan cumpra di Nicolas Maduro.
Na un forma fascista, autoridad hudicial a cuminsa cu e trayecto pa deshaci di Juan
Guaidó.
Na mes momento Aruba a keda atras cu ruina causa pa un proyecto Citgo, cu segun tur
informacion tabata un centro di droga, labamento di placa, ladronicia y crimen en
general.
Nomber y dignidad di Aruba a wordo tira na suela na 2016 dor di gobierno Mike Eman
cu a practica mentira pa haya Aruba atrobe den su gara cu e promesa cu ta un futuro di
oro e pais lo por a spera na 2018 cu entrada di Nicolas Maduro.
Ayera suspenso y mas suspenso tabata yena e region mientras Merca a cera
aeropuertonan pa Cuba, cu ta manda su ehercito Venezuela pa yuda destrui e pais y
hende pa nan amigo Nicolas Maduro.
Na nomber di placa y mas placa, teror ta wordo sembra na loke lo drenta historia como
aliado, partner di Aruba a base di e acuerdo di Citgo cu gobierno Mike Eman a firma.
Kico fin di siman lo trece? Mundo ta den angustia. Aruba ta den suspenso. Historia ta
skirbi un pagina scur den su historia cu ta papia di manipulacion di un pueblo dor di
gobierno Mike Eman, cu a hinca e cas Aruba y Arubianonan den crisis, den peligro
personal y nacional pa mas honor y gloria politico pa su persona.
https://www.diario.aw/2020/01/citgo-e-fayo-historico-di-un-gobierno/
