Page 15 - WEB

Israel. Nan a stop entrega di petroleo na Merca y paisnan cu a duna sosten na Israel
den e Guera di Yom Kippur.

Den e tempo aki e paisnan productor di petroleo a bira poderoso y a cuminsa gana

fortuna. Na e mes momento nan a crea e necesidad pa paisnan Occidental busca
solucion den formanan nobo pa genera energia.

Final di e Epoca di Oro a nifica pa Mundo Occidental, aumento di desempleo, recesion

mundial mientras e Petro Dollar a bira realidad na America Latina y a bira otro desastre
economico debi na e mal maneho monetario di e placa cu petroleo a produci pa entre
otro Venezuela.

Decada 70 a conoce cambionan grandi na Iran, cu tabata conoci como Persia. Tabata e
temporada tambe di guera entre Irak y Iran.

Actualmente Venezuela y Iran ta centronan di tension mundial y confrontacion entre

Oriente y Occidente.

E problemanan entre Merca y Iran tabata parce di ta culmina for di medio 2019, e aña
cu Venezuela tabata e Presidente di e Conferencia di OPEC, cu ta e organo mas halto di

e organisacion, cu a asisti na e momento cu Nicolas Maduro a huramenta atrobe como
Presidente di Venezuela y a ocasiona e confrontacion entre mundo liber y e cadena
comunista na 2019.

Na e momentonan aki, Venezuela obviamente ta finalisa e trayecto pa bira e centro
petrolero di e cadena comunista mundial.

Contractonan importante a wordo cera entre Venezuela y Rusia y China despues cu na

2019 ya Nicolas Maduro a deshaci di e oficina di PDVSA na Portugal y a bisa cu e ta
habri un oficina na Rusia.

Sinembargo e interes mas grandi di Nicolas Maduro a keda Merca. E ta Citgo cu manera

DIARIO a bisa lo bira e centro di bataya entre Merca y Venezuela na e momento cu
Merca y Iran ta confronta otro.