Page 58 - MIN VOS JUNI 26 2015

22 AWEMainta Diabierna, 26 Juni 2015

Torneo di tenis di mesa Teams E torneo di tenis di mesa
Copa Aruba den gran forma
Teams Copa Aruba ta
bayendo den gran forma.
Casi henter e luna di
juni e Teams Copa Aruba
ta wordo hunga den e
categorianan di A y B
klas.

Mester bisa cu e weganan
tur ta riba un super
bon nivel, unda nos
hobennan ta resalta den
forma impresionante den
nan weganan hunga.
Pa loke t’e resultadonan
te cu awor den A - klas
mester bisa cu e ekipo di
Butterfly a gana Kawin
Home Center cu e score
di 3 – 2, mientras Mario’s
Sportshop a gana Dragon
CD cu e score di 4 – 1 y
por ultimo Kawin Home
Center a gana Hooters cu
e score di 3 – 2.

Den B – klas tambe e
encuentronan tabata den
bon nivel unda nos ta
haya cu e ekipo di Jon
Tai a gana Universal Spin
3 – 2, Blue Dragon a gana
Centro Deportivo San
Nicolas 4 – 1, Blue Fire a
gana 5 – 0 di Bob Master.
Su siguiente siman e
Copa Teams a continua
den A klas unda nos a
haya Butterfly a gana
Hooters 4 – 1, Kawin
Home Center a gana
Dragon CDcu e score di
5 – 0, Butterfly ta gana
Mario’s Sportshop den
un tremendo wega 3 – 2.
Den B klas, Universal
Spin a gana 3 – 2 di APA
Master, Jon Tai a gana CD
San Nicolas cu e score di
5 – 0, Blue Fire a gana
5 – 0 for di Blue Dragon,
Universal Spin a gana 5 –
0 for di Bob Master.

Un danki sigur na Lotto,
e Loteria di Aruba pa
medio di Comision di
Subsidio cu a subsidia
e torneo di Teams Copa
Aruba 2015.