Page 61 - MIN VOS JUNI 26 2015

26 AWEMainta Diabierna, 26 Juni 2015

Oa rpgEaoxiatomnsnoeeiivgesn1aoto8dciri“0HoiObncHaoFudlnpe&iiFgHiat”aVyT E hulpverlenersteam, mihor conoci como HVT, di Dr.

Horacio E. Oduber Hospital diamars ultimo a pone 180
colega y amigo riba pia pa un actividad pa promociona
movecion pa un mihor salud.
HOH Fun & Fit tabata un combinacion di caminata cu
un “run” unda cu e cantidad di inscripcion a surpasa tur
expectativa resultando hasta den un lista di espera largo,
pasobra tur cupo a yena den un tempo hopi cortico.

Director Financiero di Dr. Horacio E. Oduber Hospital, sr.
Theo de Kool a remarca cu HVT regularmente ta organisa
actividadnan social y esaki tabata un “fun walk and run”
hopi dibertido.
El a splica cu e HVT t’esun cu ta wordo activa ora cu un
calamidad of situacion impactante presenta den Hospital.
Tambe nan ta ocupa nan mes cu e trabaonan y coordinacion
si acaso un calamidad pasa pafo di Hospital y e institucion
ta haya su mes cu hopi caso di emergencia di ripiente.
Sr. de Kool a añadi cu e grupo aki por bisa cu e “V” ta para pa
“vrienden”, pasobra nan tambe ta manera un club di amigo.

Nataly Montanes, kende ta ‘Senior Information Analyst’ na
Hospital y alabes miembro di HVT a splica cu e idea pa HOH
Fun & Fit a nace for di e pensamento cu HVT t’ey tambe pa
promove un bida saludabel pa nan mes y nan coleganan.
HVT kier motiva henter e team di Hospital pa ta mas activo
y e reaccion p’e actividad nobo aki tabata sorprendente.
E exito di e actividad aki cu a tuma lugar riba e ruta
Fishermen’s Huts – Arashi – Fishermen’s Huts ta un
indicacion cu nan mester sigui cune y ta pensando di ripiti’e
un biaha mas e aña aki.
Tabatin diferente ‘doorprizes’ p’e participantenan presente
y a sera e actividad cu un tremendo premio mayor di 2 ticket
pa Panama na cortesia di Aruba Airlines.

Di e 900 empleadonan di Hospital actualmente tin mas
of menos 100 cu ta miembro di e team multi-disciplinario
aki. HVT a organisa e aña aki un Catamaran Sail na april y
tin riba agenda un Family Day na De Palm Island pa tuma
lugar den e proximo lunanan hunto cu otro actividadnan
cu HVT ta organisa regularmente pa su miembronan.