Page 12 - META

ora cu cierto publicacionnan a sali den medionnan di comunicacion cual ta trece bruhacion
entre locual ta e informacion real cu tin, cual a crea gran preocupacion cerca empleadonan.

Minister encarga cu infrastructura y medio ambiente Otmar Oduber ta indica cu e mesun

preocupacion cu como Gobierno tin, SEPPA y e empleadonan tambe tin, cual ta netamente e
intencion di Parlamento. Considerando cu Gobierno a mustra riba e hecho cu kier cumpli cu e ley
unda cu a ‘stel in’ na 2005 Serlimar. Den articulo 8 ta bisa cu tur hende na Aruba tin e deber

conhunto pa contribui na un ‘heffing’ pa Serlimar. Durante di 13 aña esaki no a tuma lugar
primordialmente pasobra na inicio di Serlimar Sui Generis, e servicio no tabata esun cu nos ta conoce
awe cu ta wordo brinda na casnan cual ta excelente.

E mandatario a sigui splica cu actualemente Aruba ta na un punto caminda cu despues di cu e barinan

di sushi y containernan di casnan ya tin un decada di uzo entre otro, si no garantisa e situacion di
Serlimar pa futuro manera cu e ley ta bisa cu e mester cumpli cu cobransa, e ta bira hopi dificil pa e

sobrevivencia di Serlimar. Mas ainda cu Serlimar ta forma parti integral di e solucion duradero di
maneho di desperdicio na Aruba.

Aki no ta trata di si ta cobra, cuanto ta cobra, si ta socialisa of no, ta trata di cu tin un ley cu tur
Gobierno a forma parti di dje. Locual cu ta trahando riba dje ta pa yega na un solucion duradero unda

cu por remedia y sanea Parkietenbos. Parkietenbos mester wordo sanea y mester tin un plan cu lo
genera y percura pa ‘waste to energy’ caminda cu ta bay atende cu nos desperdicio responsabel sin cu

ta sigui den e direccion cu nos ta aden actualemente.

‘Ta importante pa pueblo realisa cu nos di parti Gobierno ta riba un liña cu SEPPA y trahadonan, pa
locual ta e punto aki. Duidelijk nan tambe ta interpreta e ley mescos cu nos ta interprete, caminda cu
nan tin un trabou hopi mas amplio cu djis recoge sushi y atende cu e sushi. Nan tin tareanan cu tincu

wordo haci pa comunidad y tin e obligacion pa ley pa tene Aruba limpi. Manera percura pa trabou di
recogemento di bestia morto, limpiesa di dumpnan ilegal, recogemento di autonan bieu, cortamento

di matanan rond di isla. E servicionan aki pueblo tin derecho di exigi for di Serlimar tambe, cual ta
locual ta implementando actualmente.