Page 15 - META

Fraccion di POR ta lamenta cu ultimo ora ta cancela un reunion publico di asina

importancia. Gran parti di nos pueblo tabata en espera riba e reunion aki. Fraccion di

POR tabata sinta den sala di Parlamento ta warda e reunion publico cuminsa y djey ta

haya sorpresa cu e reunion a cancela.

Fraccion di MEP a yama e reunion pa asina minister Otmar Oduber bin duna cuenta di

futuro di Serlimar y pa contesta e preguntanan cu segun Fraccion di MEP e minister no a

contesta na nan agrado. Algo cu sigur ta nan derecho y Howell hasta ta haya cu e tabata

un bon idea ya cu e di forma aki pueblo lo por a scucha y mira pa nan mes y por a saca

nan propio som.

Segun Fraccion di MEP nan a cancela e reunion debi cu nan a keda conforme cu 2 punto

cu Conseho di Minister a revoca. Pero, di otro banda pueblo a keda na banana pa por a

sigui e reunion importante y cayente aki, a pesar cu ta e pleno derecho pa esun cu pidi e

reunion publico por cancela esaki.

Alan ta keda para ariba cu un debate publico cu minister lo tabata ideal y na su

lugar. “Aki no tin stempel parlement mas, aki nos ta traha na bienestar di pueblo. Ta

pueblo a pone nos eynan toch”. Alan Howell kier a gradici Minister Oduber pa ta

presente den sala di Parlamento apesar cu e reunion a cancela inesperadamente.

http://24ora.com/parlamentario-alan-howell-ta-lamenta-cu-e-fraccion-di-mep-
a-cancela-e-reunion-publico/