Page 15 - ARUBA BANK
P. 15
Banco Central: Gasto di haci negoshi
na Aruba ta halto
27 November, 2019
Banco Central di Aruba recientemente a publica un estudio ariba e gastonan pa
haci negoshi na Aruba.
Por dividi e gastonan pa haci negoshi, manera percibi door di e
representantenan di varios sector comercial, den cinco categoria: gastonan di
labor, impuesto, gasto operacional, gasto di financiamento, y otro gastonan.
Gastonan di labor, cu ta inclui e primanan pa seguridad social cu dunadornan di
trabou ta paga, ta un di e factornan mas importante cu ta contribui na e gasto
di haci negoshi. Ta considera gastonan di labor relativamente halto na Aruba,
especialmente pa motibo di e contribucion relativamente halto di e dunadornan
di trabou na e seguridad social, cu ta cubri pensioen di biehes, invalides, y
seguro di sobrevivencia.
