Page 24 - AM240105

24 CORSOU AWEMainta Diabierna, 5 Januari 2024

Wardacosta, Cuerpo Policial y otro autoridadnan

competente cu controlnan durante Fuikdag

WILLEMSTAD - Wardacosta, Polis y otro autori-
dadnan competente lo bay haci controlnan riba lama

y na nos costanan diadomingo 7 di januari durante e
Fuikdag 2024. Meta di e controlnan aki ta pa garan-
tisa cu personanan ta mantene nan mes na e medi-
danan cu Gobierno di Corsou a stipula pa e dia aki,

y pa mantene ordo publico. Wardacosta ta informa
doñonan di botonan di placer, ‘charterboats’ y seadoo
pa tene cuenta cu e medidanan cu ta valido riba e dia
aki.

Abase di e medidanan; no ta permiti benta di alcohol
durante Fuikdag, no ta duna permit pa musica publico
riba vlot of pódum, tur boto cu ta participa na e evento

mester tin nan documentonan valido di nabegacion.
Tambe mester tin suficiente vèst di salbabida abordo
conforme e cantidad permiti di pasahero, ademas
artefactonan apropia di señal y fluit mester t’ey na

bordo. Lo tin control riba tur e rekisitonan aki di boto
dor di ‘Haven en Veiligheid Inspectie’ y Wardacosta.
Ademas Servicio di Bombero lo efectua control pa loke
ta cendemento di candela abordo di boto pa prepara-

cion di BBQ. Despues di 5’or di atardi no ta permiti pa
sigui toca muziek y despues di 5’ or di atardi lo bay
tin controlnan na bahianan pa evita aglomeracionnan
na playa.

No ta permiti e asunto di hiba y trece hende, cu
otro palabra hende cu tin nan propio boto so
por yega Fuikbaai. E medida aki ta necesario pa

motibo cu hendenan cu tuma ‘cabe’y boto’ ta keda
pega na Fuikbaai sin por yega Caracasbaai mas.
Consecuentemente nan ta purba cana via tereno
priva di Santa Barbara pa yega Ciudad. Tur esaki

unicamente ta contribui na mas caos y como tal no
ta keda tolera.

Tur boto cu ta bin di otro pais y bin bishita Corsou

ta obliga di pasa inmigracion y Duana pa ‘klaar in’.
Wardacosta, Cuerpo Policial y demas autoridadnan
competente y encarga cu mantencion di ordo publico
lo atende debidamente contra tur esnan cu no tene

nan mes na e medidanan menciona.
Autoridadnan cu lo ta presente pa còntrolá durante
Fuikdag y duna asistencia riba e dia aki ta, Wardacosta,
Cuerpo Policial, ‘Haven en Veiligheid Inspectie’,

Brandweer, Duana, Santa Barbara Security, Rode
Kruis, Fundacion Cuido Ambulance Corsou y Citro.