Page 6 - MIN JUS 15 MAART 2016

DRH cu presentacion pa enfoca varios aspecto di
organisacion di KIA

Monday, 14 March 2016 21:08
Comparti

E intencion ta pa bin cu un reorganisacion den KIA. DRH a duna un presentacion durante un reunion
hunto cu minister di Husticia, sindicato y tambe gerencia di KIA.

Segun Omaira Lares, directora di DRH (Departamento di Recurso Humano), dialuna a papia riba e
resultado di e analisis cu a haci hunto cu leiding di KIA y bureau di minister pa defini cual ta e
funcionnan cu lo keda den e organisacion y cual ta esnan cu lo bin nobo. E intencion ta mas pa focus riba
e parti di detentie, beveiliging y gedetineerde zorg. Pa esaki e ora mester defini e funcionnan di nobo,
pasobra e funcionnan in di nan ta di 99, tin ta di 2003 y cada biaha, asina ta reorganisa un parti y ta
bolbe keda cu e parti bieu. Pesey mes a dicidi di haci tur cos un solo biaha e biaha aki. E sindicatonan lo
bay den nan seno pa atende cu e miembronan. Segun Lares, esey ta e parti di e organisacion. Den tur
caso ta atende prome cu e leiding y cu bureau di minister y despues ta haci presentacion na e
sindicatonan y nan lo bay den nan seno pa wak cambionan di tipo di funcionnan. Pa awor aki tin planea
pa otro luna entrega e rapport concept ultimo y asina lo bay discuti riba dje. Tambe riba e rangstelsel
nobo y e loopbaanplanning nobo di nan y ta spera e ora pa Mei pa cuminsa lock uit decisionnan di
ministerraad pa implementacion. Lares a sigui splica cu ta bay mas pa generalistische functies. Si tin
funcionnan A, B y C, uno cu tin di haber cu consulentarbeid, etc., pero tur gericht riba gedetineerden. Un
funcion, ora cu un hende ta AO of ta langdurig afwezig, por pone e mesun funcionnan keda traha. Ta
asina door cu nan ta funcionnan individual, por ehempel si no tin un hende di biblioteca, e biblioteca no
ta habri. Pero si yama e funcion consulent algemeen den e parti eynan, ora cu e medewerker di biblioteca
no tey, un otro por reemplase den su funcion.