Page 7 - MIN JUS 15 MAART 2016

E cantidad di falta di hende na KIA ta basa riba dos cos

Monday, 14 March 2016 21:08
Comparti

Durante entrevista cu e hefe di Departamento di Recursonan Humano, cu ta Omaira Lares a musre cu
tog ta sinti cu falta personal na KIA. No sa si e proceso di atende cu ziektemelding lo yuda haya un bista
despues di e final di e cantidad cu falta.

Riba e saki, Lares a splica cu e cantidad cu falta ta dos cos, esun cu falta riba papel, bayendo un formatie
di 240 y pico funcion y KIA su realidad ta otro. Falta cantidad di hende, pero falta hende tambe cu ta ziek
of afwezig cada biaha. E intervencion cu lo mester tin ta wak cuanto hende cu falta, den cual funcion y
wak cuanto hende cu ta malo. Awor aki tambe tin e hecho cu tin hendenan cu ta ehecutivo riba
administratieve functies. Esey ta nifica cu por ta nan ta cana un carera ehecutivo cu ta hopi mas lihe cu e
administratieve functies cu nan ta haci y esey ta bay wak con ta bay atende cune, en combinacion cu e
ziekteverzuim cu ta halto na KIA tambe. Tin biaha ta papia cu SVB, kendenan ta keda preocupa cu e
diferencia cu ta rina den sector priva y departamento di gobierno. Semper e tabata un dolor di cabes
caba. E no ta solamente riba e parti di maneho per dienst di ziekteverzuim, pero e siguridad cu un
ambtenaar tin na momento di ziekteverzuim. Na momento cu bo no ta bin cu un medida pa no kita e
siguransa, pero pa incentiva pa no tin ziekteverzuim, pasobra cambia ley, por bisa cu e prome dia of di
dos dia, ta baha salario, esey no por. Of por lo menos no por ainda. Awor aki ta busca un manera di duna
atencion y control pa reduci e cantidad y despues ta bin cu mas ida di maneho con pa cambia e totalidad
di ziekteverzuim. Esaki ta un dolor di cabes pa hopi departamento. Ora tin un departamento, manera
DRH cu ta un administratieve dienst, cu tin por ehempel 2 aña malo pa motibo di malesanan cronico, e
efecto no ta dje grandi ey, manera cu tin un servicio ehecutivo cu ta 24 oa y tin 5 hende eynan, cu ta dos
aña malo, pa e motibo ey e efecto ta mas grandi compara cu un servicio adminmistrativo. Na KIA por
ehempel no por haci esey y efecto ey tin cu midi bon of wak’e bon pa wak con ta maneh’e, Lares a splica.