Page 4 - MIN ARENDS

Mike Eman Ta Bolbe Suta Pueblo Cu Aumento
Drastico Di Prijs Di Gasolin

 Local
 Politica

- 10/05/2017

Fraccion di MEP ta declara

Un y tur por a mira e siman aki con pa di tantisimo biaha e prijs di gasolin y diesel a subi
na Aruba y caminda ya por premira cu esaki lo tin su efectonan sumamente negativo pa
cu e poder di compra di nos conciudadanonan, ya cu pareu cu e aumento di prijs di
gasolin y diesel tur prijs di producto y servicio lo sigui aumenta den e lunanan venidero,
segun fraccion di MEP.

Pa no papia mes di e abuso coruptivo di hedging dor di e Gobierno actual, caminda tur
hende ya pa mas di 2 aña caba no ta disfrutando di un reduccion drastico di prijsnan di
awa y coriente. Hecho ta cu danki na e medida cruel aki di Gabinete Eman un suma di
mas di 400 miyon florin a ser ranca malamente for di cartera di e pueblo Arubano y cu
miles di hogar ta bibando sin conexion di awa y coriente.

Sinembargo, locual tin henter comunidad confundi y te hasta rabia ta e hecho cu prijs di
crudo riba mercado internacional a baha drasticamente durante e ultimo aña, pero ta na
Aruba so ningun hende ta disfruta di un reduccion di prijs di gasolin y diesel y ta wordo
solamente suta tur luna cu aumentonan drastico.