Page 5 - MIN ARENDS
P. 5
Pa por demostra e abuso cu e Gobierno di AVP ta cometiendo contra pueblo, partido
MEP ta presenta e tabel adhunto caminda nos por mira con e prijs di gasolin, diesel y
crudo (WTI crude oil) tabata na oktober 2009 tempo cu MEP a bandona Gobierno y
cuanto e prijsnan aki ta na mei 2017, esta bao di Gobierno di Mike Eman.
Aki claramente nos por mira cu e prijs di crudo West Texas Intermediate (WTI) a reduci
for di 74.8 dollar pa bari na oktober 2009 te na 45.9 dollar pa bari na mei 2017, esta un
REDUCCION cu 38.6%.
Sinembargo nos por mira cu prijs di gasolin a reduci cu un miserabel 0.7% y prijs di
diesel a reduci cu un miserabel 2.8% den e periodo menciona, mientras cu prijs di crudo a
baha cu casi 46%.
Sin duda cu esaki ta un abuso di marca mayor cu Mike Eman y su Gobierno ta
cometiendo contra nos pueblo cu ya ta sufri den dolor pa tur e medidanan cu Gabinete
Eman ya a tuma caba y otro medidanan cruel cu tambe ta na caminda.
