Page 11 - BNDIA ARUBA

opinion A11
Neuro Psychologo, Dimitri Di Carlo:
E Mercadeo di Enfermedad Mental. Acaso nos tur ta loco?
No mucho tempo pasa Aruba a bolbe ser asota pa e noticia cu un pashent di
PAAZ a bira histerico y a mata un agente policial. E sucede ta recorda nos di
e Macuarima Massacre na 2008. Recientemente nos prome minister, Evelyn
Wever-Croes a bisa di ta preocupa cu no tin instancianan pa atende cu tanto
caso di enfermedadnan mental entre mucha y hobennan riba nos isla. Esaki ta
alarmante, ora nos mira
un mucha di apenas 11 aña ta sufri di problemanan mental y ta bou tratamento
psikiatrico cu neuroleptica. Y segun vocero di ABV, Gina Maduro: ‘e problema
psikiatrico den nos comunidad ta un problema y mester di su atencion. PAAZ
ta hopi chikito. E problema social, e problema psikiatrico pafo ta grandi’. Kico
ta e causantenan di e crecemento drastico di enfermedadnan mental riba nos
isla? Dicon nos tin tanto problemanan psikiatrico?
Analisis subhetivo di situacion Psycho-Social actual
Unda nos enkontra crecemento di enfermedadnan mental, nos tin cu puntra
nos mes, con nos a yega asina leu. Ta conoci cu problemanan di bida, por saca
un persona for di balansa emocionalmente, y causa un constelacion schizo-
phrenico of otro tipo di enfermedadnan. Situacionnan cu por bini pa via di po-
bresa, manera soledad, abandono, stress social, etc., tur por hiba na diferente
tipo di enfermedadnan, hasta enfermedad mental.
Estudionan haci riba e area di comportacion humano a demostra cu hende
pober ta mas predispuesto pa cierto enfermedadnan mental compara cu e otro
gruponan. Tambe a demostra cu cierto tipo di enfermedadnan mental, manera
Depresion, Neurosis, Psychopathia, Schizophrenia, of Epilepsis ta mas conoci
entre e grupo ey, cu den otro gruponan.
Segun un comunicado publica pa e Food and Drug Administration (FDA),
personanan ta wordo diagnostica mucho lihe di tin enfermedadnan mental,
mientras nan ta pasando den un simpel stress di bida. Simpel problemanan di
bida, no por ta e causante di e crecemento drastico di enfermedadnan mental
riba Aruba.
Kico ta e causa cu nos tin tanto caso di atakenan di histeria di pashentnan psiki- traha. Nan ta controla hasta e organo gubernamental. E Cartel Medicinal tin
atrico, manera nos tabatin den ultimo temponan? Analisisnan Psycho-Social
cu a ser conduci pa mi persona ta conclui cu e personanan cu ta sufriendo di
un of mas desbalansanan emocional y ta tumando neuroleptica a haya esaki for
di nan dokter di cas y no di un psychiater. Pa varios añanan caba, dokternan
di cas hunto cu psychiaternan y specialistanan a bira Marketing Agents y Sales
Representatives di companianan Farmaceutico y e Cartel Medicinal. Nan a
cuminsa prescribi psychopharmaka na problemanan normal di bida, causando
un crecemento drastico di problemanan mental.
Pues, e trayectorio di e pashent cu cualke sintoma, hasta cu disturbionan emo-
cional y problemanan psicologico, ta cuminsa cerca e dokter di cas. E dokter di
cas ta esun cu e pashent lo contact prome, pa papia di su sintomanan emocio-
nal. Masha poco e dokter di cas lo referi e pashent pa un Psycholoog, ya cu den
su percepcion, e pashent no mester di un Psycholoog, pero un medicamento.
Y asina nan ta cuminsa experimenta riba e pashent, sin haci ningun test, sin tin
ningun experiencia y preparacion academico pa esaki.
Pa via di stigmatisa problemanan diario di bida como enfermedad mental,
dokternan di cas a converti tur hende den pashentnan potencial. Esaki no ta
un exageracion, pero mas bien un factor hororoso. Segun e Psychiatric Bible
– e Diagnostic & Statistical Manual of Mental Disorders-V (DSM-5), tristesa,
duele, adiccion di droga, ladronicia, problema cu tripa of stoma, y hasta ron-
camento ta ser considera enfermedadnan mental cu ta rekeri tratamento psiki-
atrico cu nueroleptica.
Recientemente un nutricista na Hospital a publica un articulo den un matutino,
unda el a stigmatisa y categorisa simpel normal di comportacion y sintomanan
fysio-biologico, manera obesidad, problema cu tripa y stoma, hypertonia, etc.
como enfermedadnan mental. Tur esunnan cu ta sufri di comportacion nor-
mal, awor lo wordo categorisa como problemanan mental. Claro cu un hende
por cay den un disturbio emocional of hasta un stress psicologico pa via di
problemanan normal di bida, pero pa categorisa esakinan como problemanan
mental ta for di su luga.
E stigmacion aki ta un punto cardinal di e Plan di Mercadeo di e Cartel Me-
dicinal. E ta necesario pa por crea mas pashent psikiatrico posibel. Pa e motibo
aki, e dokternan di cas y e institucionnan di salud publico ta transforma nan
mes den Marketing Agents y Sales Rep di e companianan farmaceutico, pa
asina yuda crea enfermedadnan mental y pa yuda push mas medicamento riba
e poblacion. Nos mediconan ta drug pushers y por ser considera como drug
dealers.
Desde e DSM-5 problemanan di comportacion awor ta wordo categorisa facil-
Diabierna 2 Februari 2018
mente como problemanan mental cu ta rekeri tratamento psikiatrico, aunke
esaki no ta e caso. A caso nos tur ta loco of nos ta wordo haci loco?
Desbalansa Kimico: artefacto of un constructo?
Con un dokter di cas ta yega na e conclusion cu su pashent ta sufri di un
desbalansa kimico y ta rekeri tratamento cu psycho-pharmaka? Pasobra fisico
logicamente esaki no ta existi. Acaso esaki ta un artefacto desconoci of un con-
structo di nan marketing plan? E pregunta cu nos tin cu haci ta: con un dokter
di cas of hasta un Psychiater por medica algo cu fisico logicamente no t’ey? E
contesta ta: bo no por.
Un enfermedad mental no ta un enfermedad di e cerebro (organico), pero un
constelacion celebral, cu efecto riba e mind di e persona.
Pues esaki, no mester ta den man di un medico, pero mas bien den man di
un Psycholoog. E clase medico ta wordo educa y ta wordo forsa pa acepta e
dogma cu enfermedadnan mental ta bini a causa di un ‘chemical imbalance’
den e cerebro. Si esaki ta e caso, lo ta facil pa diagnostica esaki haciendo uzo di
un CT-Brain Scan. Lastimamente esaki no ta e caso.
Henter nan metodo diagnostica ta basa riba ki tipo di medicamento toxico nan
tin den cashi of lachi. Si mainta e Sales Rep di Big Pharma a pasa promoviendo
un Anti-Depressant nobo, pa atardi un of mas pashent a wordo diagnostica cu
depresion. Tin biaha e dokter mes ta cuminsa hinca den e pashent su cabes cu
e ta depresivo, dies pa e receta un medicamento. Nan ta selecta cua pashent
nan lo bay pone riba cua medicamento.
E dokter, sin ningun experiencia clinico den diagnostica y conocemento riba
problemanan mental, ta receta un of mas neuroleptica den forma di Antidepre-
siva, Sedativa, Stabilisante of Anti-anciedad. Dokternan di cas ta poniendo tata,
mama, yiu y hasta hende bieu riba un of mas medicamento. Tata ta uza Viagra,
Truxal of Alprazolam (Sedativa), mama ta uza Anafranil (Antidepresiva) of
Abilify (Stabilizador) y e yiu ta halto riba Ritalin (Stimulant).
Esaki ainda ta un ‘understatement’! Asina Cartel Medicinal y Big Pharma ta
poder hasta riba gobierno di un pais. No tin sanacion, no tin exito, solamente
mantencion di enfermedad! Asina e ‘business’ cu medicina ta funciona.
Solucion y pre-caucion den forma Psycho-Preventivo y Psycho-Social
Un sociedad cu no ta den su sano huicio, ta un menasa pa e futuro di un pais.
Un estudio dinamico mester wordo haci pa evalua e calidad y categoria di nos
cuido di salud mental na
Aruba. Un sociedad cu tanto enfermedad mental y desordennan emocional no
ta productivo ni pro-activo. Lo mester bay psycho-evalua of psycho-diagnosti-
ca tur pashent cu ta tumando
neuroleptica of cu ta pashent di PAAZ (awor Fundacion Respaldo), y averigua
si en berdad e
pashent tin un enfermedad mental y si ta asina, averigua cua, y controla si e ta
ricibiendo e
tratamento adecuado. Tambe mester wordo averigua si e medicamentonan
prescribi ta cuadra cu e psycho-diagnosis.
E miho elementonan pa yuda un persona cu problemanan mental of distur-
bionan emocional ta amor, cuido, y empate. Mester apoya e pashent su auto-
determinacion. Tur esakinan lo yuda restaura e estado mental di e persona
y hasta rehabilita su alma desorienta. Mester crea un miho cuido y trato di
pashentnan cu desorden mental/emocional y controla pakico dokternan di
cas (y Psychiaternan) ta recetando psychopharmaka asina lihe enbes di referi
e pashent na un Psycholoog, un Psychoterapista, of un Consehero pa asina
cuminsa un
psychoterapia, of otro terapianan, enbes di toxica e pashent neuroleptica.
Manera nos ta ripara, tur cos ta cuminsa cerca e dokter di cas!
Crea un Clinica unda personanan cu ta sufri di problemanan mental cu ta
ofrece ‘drug-free treatments’, unda e pashentnan cu desordennan mental por
ricibi un tratamento holistico y
empatico, unda tin etica y idealnan halto, enbes di wordo toxica cu kimiconan
peligroso.
Tratamento toxico no ta e solucion na enfermedadnan mental of disturbionan
emocional, mas bien un bon cuido, atencion y empate lo yuda trece e persona
bek den estado di sano huicio, den harmonia cu su mes.