Page 18 - MIN JUS
P. 18
mes cu un delegacion di e abogadonan y a yega na un palabracion atrobe. Esaki a pone cu
abogadonan a dicidi di para e accion te cu 30 December 2017, en espera di un decision
definitivo di e Gobierno nobo cu mester sinta.
GOBIERNO A BOLBE PALABRA:
Investigacion cu DIARIO a haci ta mustra cu dialuna, un delegacion di abogadonan, a sinta
na mesa cu Gobierno, caminda a mustra Gobierno cu e motibo di e huelga ta hustamente
pasobra Gobierno no a cumpli cu palabracionnan haci pa cu e aumento di pago cu
abogadonan mester haya.
Gobierno a palabra cu e delegacion di abogado cu lo mantene e palabracion di 3 x 450
Florin pa e aña aki y pa laga e Gobierno nobo sinta pa mira kico e Gobierno ta dicidi pa e
pago palabra pa 2018.
Manera ta conoci, anterior e abogadonan a bay den huelga pasobra nan a exigi un mihor
pago pa nan trabao como abogado liber pa personanan cu cay sera.
DIARIO por a compronde cu e motibo cu e abogoadonan a exigi un mihor pago ta pasobra
cu e abogadonan na Curacao y Bonaire ta haya mucho mas mihor pago compara cu e
abogadonan di Aruba.
Ta asina cu normal e asina yama “abogado liber” o sea e abogado cu Gobierno pa medio di
Departamento di Asuntonan Social ta paga, tabata haya 3 x 300 Florin o sea 900 Florin pa
representa un persona cu ta worde sospecha di a haci algo malo contra ley.
E abogadonan ta haya cu esaki ta mucho poco mirando tur e trabaonan cu nan mester haci
pa defende e sospechoso. Nan lo mester bay warda di Polis, Hues Comisario, KIA y despues
bay prepara e caso cu mester worde trata den KIA. Esey ta encera cu e abogado lo mester
bay mas biaha KIA pa papia cu e sospechoso.
Anterior e abogadonan den reunion cu e ex Minister Paul Croes, a yega na palabracion
concreto cu pa e aña aki e abogadonan lo haya un aumento di 3 x 450 Florin cu ta suma
1.350 Florin pa cada sospechoso cu nan representa y pa 2018 e lo bira 3 x 600 Florin cu ta
suma 1.800 Florin.
ABOGADONAN A POSPONE ACCION:
Awor cu Gobierno a bolbe haci un palabracion cu lo mantene e palabracion di 3 x 450 Florin
pa e aña aki, e abogadonan a dicidi di pospone e huelga te cu 30 December 2017. Esaki pa
