Page 19 - MIN JUS

duna espacio na e Gobierno nobo pa por sinta cu nan na mesa y caba di yega na e
palabracion manera tabata palabra.

DIARIO por a compronde for di fuente digno di confianza cu Gobierno a palabra cu lo paga e
3 x 450 Florin. Awor falta pa e departamentonan concerni esta Departamento di Asuntonan
Social of Direccion di Finanzas, pa confirma e palabracion aki.

TRANCA SISTEMA HUDICIAL:

Siman pasa diabierna ora cu e abogadonan a bay den accion, esaki a causa cu tur e
casonan penal pendiente y casonan cu mester a worde atendi a tranca. E actitud di
Gobierno, cu no a cumpli cu e palabracion di pago, a pone cu henter e sistema hudicial pa
loke ta casonan penal a pega formal. Practicamente tur e casonan penal mester a worde
posponi. Esaki ta haci cu henter e schedule di casonan penal planea pa Corte di Husticia y
tambe Ministerio Publico mester worde drecha caminda mester tene cuenta cu e periodo
stipula pa ley cu e sospechoso mester presenta dilanti un Hues di Corte di Husticia.

DIARIO por a compronde cu awor cu e abogadonan a pospone nan accion, tur e situacion pa
cu casonan di Corte y tambe personanan cu ta worde deteni como sospechoso, ta normaliza
aunke cu tur e casonan di siman pasa a worde posponi.