Page 23 - AWEMAINTA
P. 23
Diahuebs, 28 November 2019 AWEMainta 23
Book signing diasabra awo na Bruna
Aruba di e buki “Nini ta sali keiro”
DURANTE e temporada di fiesta nos tur ta
en busca di un regalo special y unico. Kico ta
mas bunita cu regala un mucha un buki na
nos mesun idioma Papiamento?
Un bon opcion pa esaki sigur ta e buki “Nini
ta sali keiro”. E buki aki ta conta e storia di
Nini e haraña su aventura na Philip’s Animal
Garden .Diasabra awor e escritora local, Sra.
Jessica van Montfoort-Posner, lo ta na Bruna
Aruba pa bishitantenan cu pasa cumpra un
copia lagele firme.
Cu ayudo di Unoca Aruba y Fundacion Lanta
Papiamento, Sra. Jessica van Montfoort-Pos-
ner y su casa Marald van Montfoort a traha e
buki aki, cual ta un buki duru di carton na Pa-
piamento pa mucha chikito entre 0-5 aña cu ta
protagonisa un haraña biña cu yama “Nini”.
Tambe nan a traha animacionnan digital
na Papiamento riba Youtube cual ta siña e
muchanan conta, colornan, bestianan, nos
canticanan pa mucha y hopi mas na nos idi-
oma Papiamento den un manera innovativo y
divertido.
Pa enfatisa riba e excito di e proyecto aki,
luna pasa Jessica y Marald a gana un premio
di $10.000 na e conferencia di Atech, na unda
nan a competi contra diferente compañia
“start-up”, riba nivel internacional.
Bruna Aruba tambe ta ofreciendo un 10% di
descuento riba e buki special aki pa hende-
nan cu bin cumpra e buki durante di e book
signing, cual lo tuma lugar entre 11:00 AM di
mainta y 1:00 PM di atardi.
Asina ta, no perde e oportunidad pa pasa y
cumpra bo buki “Nini ta sali keiro” diasabra
awo na Bruna Aruba.
