Page 47 - UTILITIES

- Advertisement -

Cu enfoke riba desaroyo di ROP y ROPv:

ORANJESTAD (AAN): Recientemente Comision di ROP di Camara di Comercio y
Industria di Aruba (KvK) a tene un reunion cu Minister di Infrastructura y Medio

Ambiente, sr. Otmar E. Oduber, caminda a elabora riba diferente punto pa sigui
desaroya e ROP (Ruimtelijk Ontwikkelingsplan) y su regulacion (ROPv).

Durante e reunion a intercambia varios punto cu ta di importancia pa desaroyo di Aruba

y su economia. Minister Oduber a indica cu e ta comparti e importancia di un ROP y ta
bay traha duro pa por tin e ROPv finalisa durante 2018.

A indica cu agricultura tambe ta un sector cu tin su atencion y lo sigui observa su

desaroyo pa e yega na bira un pilar economico mas importante pa nos pais. Asina
tambe kier stimula e desaroyo di ‘green houses’ y e cultivacion di productonan via
hydroponics of otro metodonan inovativo.

Tambe lo pone mas atencion pa e proteccion di area berde pa proteha nos naturalesa. E
legislacion di medio ambiente tambe ta worde considera importante den e ROP y ROPv.

E proposicion pa e tereno di APA ta pa e por brinda oportunidad pa e empresario local y

ta atractivo pa e por sigui worde desaroya comercialmente y por bira un atraccion di
entretenimiento pa turismo caminda por construi casnan pa local brindando servicio di
calidad halto.